Keshe órtke qarsy daiyndyq, sý tasqynynyń aldyn alý máseleleri talqylanǵan Úkimet otyrysy ótti. Oǵan oblys ákimi Nurlybek Nálibaev selektorlyq rejimde qatysty. Aimaq basshysy Úkimet otyrysynan keiin jiyn ótkizip, kóterilgen máseleler boiynsha jaýapty sala basshylaryna tapsyrma júktedi, - dep habarlaidy Dalanews.kz
«Statistikalyq derekterge qaraǵanda, elimizdegi tótenshe jaǵdailardyń 90 paiyzy órt saldarynan bolady. Óńirimizdiń qurǵaq, jeldi klimatyn eskersek, dala órtteriniń tutaný, tez taralý qaýpi asa joǵary.
Dala órtteriniń aldyn alý úshin turaqty monitoring júrgizip, tiisti sharalardy der kezinde qamtamasyz etý qajet. Orman, dala órtteriniń basym bóligi turǵyndardyń, sharýashylyqtardyń órt qaýipsizdigi erejelerin saqtamaýynan, jaýapkershilikti sezinbeýinen týyndaidy.
Jergilikti sharýashylyqtar tazalyq jumystaryn júrgizerde orman mekemelerine aldyn-ala habarlama berýi tiis. Órttiń aldyn alý sharalarynyń tolyq uiymdastyrylýyn qatań baqylaýǵa alyńyzdar. Tabiǵi, adami faktorlardyń áserinen magistraldi jáne aýdanaralyq jol boiynda, egis alqaptarynda qurǵaq shóptiń janý qaýpi joǵary. Orman alqaptarynda, egistikte baqylaýdy kúsheitý kerek.
Óńirimizde sý tasqynynyń aldyn alýdyń keshendi sharalary qabyldanyp, 14 aqpannan bastap ózen betinde muz júrdi, naýryz aiynda tolyq tazartyldy. Kelgen mol sý kólder júiesine jiberildi. Ózendegi sý deńgeii magistraldi kanaldar men kólder júielerine sý alý arqyly retteldi. Sýdy tiimdi paidalaný jáne sý basý aimaqtarynyń qaýipsizdigin qamtamasyz etý asa mańyzdy.
Májiliste qaralǵan máseleler ózekti. Qatań baqylaýda ustap, merziminde tiisti shara qabyldaý qajet», – dedi N.Nálibaev.
Aita keteiik, órttiń aldyn alýda orman sharýashylyǵy mekemelerinde 15 órt sóndirý avtokóligi, 10 dron jáne 65 turaqty órt sóndirýshi jasaǵy qyzmet atqarýda.
Sońǵy 3 jylda óńirdegi orman sharýashylyǵy mekemeleriniń materialdyq- tehnikalyq bazasyn nyǵaitýǵa qarjy bólindi. Biyl 62 tehnika men 80-ge jýyq qural alý kózdelýde. Orman jáne dala órtterin sóndirý úshin 18 tonna janar-jaǵarmai qory daiyndalyp, 15 qadaǵalaý munarasynda turaqty kezekshilik uiymdastyrylǵan.
Sý basý qaýpi bar 29 aimaqqa arnaiy tehnika, kúsh-quraldary bar 135 jaýapty mekeme bekitildi. Olarda 410 arnaiy tehnika jáne 1 234 adam kúshi bar. Sý tasqynyna qarsy materialdyq-tehnikalyq qor jetkilikti, iaǵni 129,7 tonna janarmai, 95 110 qap jáne basqa da materialdar jinaqtalǵan. Yqtimal sý tasqyny kezinde halyqty kóshirý pýnktteri daiyn. Atap aitsaq, 61 evakýatsiialyq jinaqtaý jáne 71 evakýatsiialyq qabyldaý pýnkti bar.
