Álemdik naryqta Brent markaly munai baǵasy biylǵy jyldyń tórtinshi toqsanynda barreline 120 dollarǵa deiin kóterilýi múmkin. Mundai boljamdy Goldman Sachs Group Inc. sarapshylary jasady, dep habarlaidy dalanews.kz.
Bank mamandarynyń aitýynsha, mundai stsenarii Ormýz buǵazy arqyly munai jetkizýge qatysty máseleler saqtalǵan jaǵdaida júzege asýy yqtimal.
Alaida sarapshylar bul nusqany negizgi boljam retinde qarastyrmaidy. Goldman Sachs-tyń bazalyq stsenariiine sáikes, tórtinshi toqsanda Brent munaiynyń ortasha baǵasy barreline 80 dollardy quraidy.
Bul boljam Taiaý Shyǵystaǵy geosaiasi shielenistiń báseńdep, óńirdegi jaǵdaidyń turaqtalatynyna negizdelgen.
Eske salaiyq, Ormýz buǵazy álemdegi eń mańyzdy munai tasymaly baǵyttarynyń biri sanalady. Sondyqtan ondaǵy kez kelgen shielenis álemdik munai baǵasyna tikelei áser etedi.
