AQSh Ormýz buǵazy arqyly kemelerdiń erkin ári kedergisiz ótýin qamtamasyz etý maqsatynda jańa halyqaralyq koalitsiia qurý bastamasyn kóterdi, dep habarlaidy Dalanews.kz.
The Wall Street Journal basylymnyń málimetinshe, bul bastama AQSh Memlekettik departamentiniń ishki qujatynda kórsetilgen. Onda amerikalyq diplomattarǵa basqa elderdiń úkimetterin jańa koalitsiiaǵa qosylýǵa úgitteý tapsyrylǵan.
"Teńizdegi erkin keme qatynasy koalitsiiasy" (Maritime Freedom Construct, MFC) dep atalatyn bul bastama aiasynda qatysýshy elder aqparat almasyp, diplomatiialyq is-qimyldy úilestiredi jáne sanktsiialardyń oryndalýyn qamtamasyz etýge atsalysady.
Jańa koalitsiia AQSh jetekshiligimen jumys isteitini aitylǵan. Sonymen qatar ol Ormýz buǵazyndaǵy qaýipsizdikti qamtamasyz etýge baǵyttalǵan Frantsiia men Ulybritaniia bastamalaryn tolyqtyra túsedi.
