Úkimet otyrysynda QR Ekologiia jáne tabiǵi resýrstar ministri Erlan Nysanbaev birqatar oblys ákimdikteriniń jumysyn synǵa aldy, dep habarlaidy Dalanews.kz.
Ministrdiń aitýynsha, óńirler órtke qarsy tehnikany lizing arqyly jańartýǵa tiis, alaida bul baǵytta alǵa jyljý baiqalmaidy.
“256 órt-baqylaý munarasy qajet bolǵan jaǵdaida, orman sharýashylyqtarynda bar-joǵy 185 munara ǵana bar. Jańa munaralar salý jumystary Pavlodar, Qostanai, Batys Qazaqstan, Aqtóbe jáne Soltústik Qazaqstan oblystarynda ózgerissiz qalyp otyr. Sondai-aq Aqmola, Aqtóbe, Atyraý, Batys Qazaqstan, Qostanai, Pavlodar jáne Shyǵys Qazaqstan oblystarynda orman órt stantsiialarynyń tapshylyǵy baiqalady. Qazirgi qoldanystaǵy stantsiialardyń jartysy ótken ǵasyrdyń 50–60 jyldary salynǵan. Atalǵan oblystardyń ákimdikteri emissiialardan túsken qarajat bola tura, jańa orman-órt stantsiialaryn salýǵa qarjy bólmei otyr”, – dedi Erlan Nysanbaev.
Ministrdiń aitýynsha, Shyǵys Qazaqstan (1154 birlik qajet, bar bolǵany – 833), Aqmola (535/504) jáne Pavlodar (208/92) oblystarynda orman kúzetiniń sany normativke jetpei otyr.
"Jalpy, 2025 jylǵy 7 sáýirdegi jaǵdai boiynsha Aqtóbe, Atyraý, Shyǵys Qazaqstan, Jambyl, Batys Qazaqstan, Qostanai, Pavlodar, Soltústik Qazaqstan jáne Túrkistan oblystarynyń orman mekemeleri men “Semei ormany” rezervaty órt qaýipti maýsymǵa daiyn emes. Ministrlik júrgizgen tekserister nátijesinde kemshilikterdi joiý jáne tehnikany 2025 jylǵy 15 sáýirge deiin tolyq daiyndyqqa keltirý týraly usynystar oblys ákimdikterine joldandy", – dep túiindedi ministr.
