Árine, onyń bárine mán bere bermeisiń. Biraq, myna bir jazbaǵa kózimiz tústi. Andrei Slojin esimdi jýrnalist qazaqtardy tuqymy qurýǵa ainalǵan Amerikanyń úndisterine teńepti.
Bul týraly jazbany óziniń Facebook-tegi paraqshasynda jeli qoldanýshysy Nurlan Sultanov bólisken eken.
Oryssha jazylǵan jazbany qazaqshaǵa aýdaryp bergendi jón kórdik.
— Slojin, sen nege Qazaqstandy jek kóresiń?
— Jaqsy kóremin. Bul meniń otanym ǵoi.
— Endeshe nege elden qashyp ketkiń keletini týraly jazǵansyń?
— Sebebi, aqymaqtardy meniń elim men qalamnan ketirý qiyn.
— Aqymaqtar dep kimdi aityp otyrsyń?
— Maǵan nege qazaqsha sóilemeisiń dep soqtyǵysatyndardy aitamyn.
— Bul Qazaqstan ǵoi. Munda qazaqsha bilý mindetti emes pe?
— Kimge mindetti? Armian dosyma ma? Álde káristen shyqqan qaiyn atama ma? Bolmasa tatar baldyzyma ma? Kimge mindetti?
— Osy elde turatyn jergilikti turǵyndardy aityp otyrmyn.
— Al men kimmin? Men almatylyqpyn. Atam, ákem, ózim osy elde ómirge kelgenbiz.
— Sonda da bolsa memlekettik tildi bilý kerek.
— Iá, saǵan. Sonda ne, barlyq Amerika «indeetsterdiń» tilinde sóilep júr me?..
Bul postty jariialaǵan jýrnalist biraz ýaqyt ótkennen keiin ony óshirip tastaǵan. Alaida onyń jazbasyn saqtap qalǵandar ony áleýmettik jelige qaita salǵan eken.
Al siz bul týraly ne oilaisyz? Kim-kim biraq qalam ustaǵan adamnyń qazaq tiline qatysty mundai pikir bildirýi qanshalyqty zańdy?
Tómende osy jazbanyń bolǵanyn dáleldeitin skrinshotty usynyp otyrmyz. Sýret jeli qoldanýshysy Nurlan Sultanovtyń paraqshasynan alyndy.
