Bul elimiz úshin qaýipti tendentsiia. Qazaqtyń otbasy institýtynyń altyn dáýiri kelmeske ketkenin baiqaisyń. Nelikten mundai jaǵdai qalyptasty degen saýal tóńireginde uzaq pikirtalastyrýǵa da bolady.
Buǵan eldegi áleýmettik aýyr ahýal da áser etip, turmystyq zorlyq-zobylyq ta kesirin tigizip otyrǵany anyq.
Jumyssyzdyq, turaqsyzdyq, shydamsyzdyq, bári de óz áserin tigizýde.
Biraq, basty sebep pen negizgi kiná bizderde, ata-analarda jatqandai kórinedi maǵan. Jastar búginde shydamsyz, bir-birine tym talapshyl, ómirdiń kishkentai aýyrtpalyǵyna mort synyp, birden short kesedi, ajyrasýǵa daiyn turady deimiz. Ol ras.
Degenmen olardy sondai qylyp ósirgen kim? Zaman sondai dep aitar bireýler. Al zaman degen ne? Kimderden quralady sol aityp otyrǵan zamanymyz? Adamdardan, sizder men bizderden quralmai zamanymyz? Sondyqtan da tómendegi kórsetkishter sizder men bizderdiń jetistigimiz. Dálirek aitqanda sorymyz dep esepteimin.
Biraq, osydan bir ǵasyr buryn ǵana neke buzý kórsetkishi 0% teń bolǵan qazaq úshin bul da jaqsy nyshan emes. Osylai ári qarai kete berse, orekeńderdiń 50% jolda qalatyn túri bar.
Bala ósirip otyrǵan árqaisymyzǵa oilanatyn jaǵdai. Neke institýty turaqsyz elde bala az bolady, bala az elde demografiia quldyraidy, demografiiasy tómen eldiń ekonomikasy álsiz bolady.
Sebebi eńbek etetin kúsh azaiady. Al ekonomikasy álsiz elden bereke ketedi. Sóitip túbi bireýge jem bolady.
Muhtar TÚMENBAI, jýrnalist
