Eks-ministr, qazirgi Májilis depýtaty Ashat Aimaǵambetov buryn bilim salasynda qandai bylyqtar bolǵanyn, pedagogterge qandai qysym jasalǵanyn aitty, - dep habarlaidy Dalanews.kz.
Onyń sózinshe, muǵalimderdiń quqyǵyn qorǵaý úshin talai laýazymdy adamdy jaýapkershilikke tartýǵa týra kelgen.
"Mamandyq boiynsha konkýrsy eń kóp úshtik bolsa, sonyń ishinde pedagog mamandyǵy bar. Endi mektepke keletin muǵalimderdiń sapasy óte joǵary bolady. Birinshiden, muǵalimderdiń jalaqysyn kóterdik. Eki jarym, úsh esege kóterildi. Janymyzdaǵy memleketterdiń birimen de salystyrýǵa kelmeidi. Ony ashyq aitýymyz kerek.
Ekinshiden, kezinde olar (muǵalimder - esk.) úilerdiń esikterin qaǵyp ketti. Barlyq jumysty solarǵa asyp qoidy. Qazir muǵalimder úi aralaý degendi umytty. Senbilik bolsyn - barlyq nársege muǵalimderdi jegip qoiatyn. Jinalys bolsa, muǵalimder barady. Kezdesý bolsa, muǵalimder barady. Sabaq qaida sonda?! Jylyna 1000 adamnan ákimshilik jaýapkershilikke tartýǵa týra keldi", - dedi ol.
Aimaǵambetov bul qatarda beldi, laýazymdy shendiler bolǵanyn da jetkizdi.
"Kezinde men ministr bolǵanda tipti bir oblystyń ákiminiń orynbasaryn ákimshilik jaýapkershilikke tarttyq. Sonda oblys ákimi maǵan habarlasyp, "biz áriptes emespiz be, meniń orynbasarymdy qalai jaýapkershilikke tartyp jatsyń?" dedi. Biz "zańnyń aty - zań, barlyǵyna birdei" dedik.
Júzdegen direktordy jaýapkershilikke tarttyq. Qanshama ákimniń orynbasaryn, úlken laýazymdy tulǵalardy da jaýapkershilikke tarttyq. Muǵalimder balalardy oqytý kerek, basqa bolmaýy kerek. Osylaisha biraz máseleni ózgerttik dep aita alamyn", - dedi Aimaǵambetov "Qasqa jolǵa" bergen suhbatynda.
2023 jyly Ashat Aimaǵambetov ministr laýazymynan bosatyldy. Sheneýnik 2019 jylǵy maýsymnan bastap 2022 jylǵy maýsymǵa deiin bilim jáne ǵylym ministri qyzmetin atqardy. 2022 jylǵy 11 maýsymnan bastap oqý-aǵartý ministri bolyp taǵaiyndaldy. Ol 4 jylǵa jýyq ýaqytta "halyqtyń súiikti ministrine" ainaldy. Artynsha bul qyzmetke Ǵani Bektaiuly Beisembaev keldi. Buǵan deiin ol Y.Altynsarin atyndaǵy ulttyq bilim akademiiasynyń prezidenti qyzmetin atqarǵan edi.
