ورىنباسارىن جاۋاپقا تارتقاندا, ەرٸپتەس ەمەسپٸز بە دەپ ەكٸمدەر حابارلاساتىن - ايماعامبەتوۆ

ەكس-مينيستر, قازٸرگٸ مەجٸلٸس دەپۋتاتى اسحات ايماعامبەتوۆ بۇرىن بٸلٸم سالاسىندا قانداي بىلىقتار بولعانىن, پەداگوگتەرگە قانداي قىسىم جاسالعانىن ايتتى, - دەپ حابارلايدى Dalanews.kz.

ونىڭ سٶزٸنشە, مۇعالٸمدەردٸڭ قۇقىعىن قورعاۋ ٷشٸن تالاي لاۋازىمدى ادامدى جاۋاپكەرشٸلٸككە تارتۋعا تۋرا كەلگەن.

"ماماندىق بويىنشا كونكۋرسى ەڭ كٶپ ٷشتٸك بولسا, سونىڭ ٸشٸندە پەداگوگ ماماندىعى بار. ەندٸ مەكتەپكە كەلەتٸن مۇعالٸمدەردٸڭ ساپاسى ٶتە جوعارى بولادى. بٸرٸنشٸدەن, مۇعالٸمدەردٸڭ جالاقىسىن كٶتەردٸك. ەكٸ جارىم, ٷش ەسەگە كٶتەرٸلدٸ. جانىمىزداعى مەملەكەتتەردٸڭ بٸرٸمەن دە سالىستىرۋعا كەلمەيدٸ. ونى اشىق ايتۋىمىز كەرەك.

ەكٸنشٸدەن, كەزٸندە ولار (مۇعالٸمدەر - ەسك.) ٷيلەردٸڭ ەسٸكتەرٸن قاعىپ كەتتٸ. بارلىق جۇمىستى سولارعا اسىپ قويدى. قازٸر مۇعالٸمدەر ٷي ارالاۋ دەگەندٸ ۇمىتتى. سەنبٸلٸك بولسىن - بارلىق نەرسەگە مۇعالٸمدەردٸ جەگٸپ قوياتىن. جينالىس بولسا, مۇعالٸمدەر بارادى. كەزدەسۋ بولسا, مۇعالٸمدەر بارادى. ساباق قايدا سوندا?! جىلىنا 1000 ادامنان ەكٸمشٸلٸك جاۋاپكەرشٸلٸككە تارتۋعا تۋرا كەلدٸ", - دەدٸ ول.

ايماعامبەتوۆ بۇل قاتاردا بەلدٸ, لاۋازىمدى شەندٸلەر بولعانىن دا جەتكٸزدٸ.

"كەزٸندە مەن مينيستر بولعاندا تٸپتٸ بٸر وبلىستىڭ ەكٸمٸنٸڭ ورىنباسارىن ەكٸمشٸلٸك جاۋاپكەرشٸلٸككە تارتتىق. سوندا وبلىس ەكٸمٸ ماعان حابارلاسىپ, "بٸز ەرٸپتەس ەمەسپٸز بە, مەنٸڭ ورىنباسارىمدى قالاي جاۋاپكەرشٸلٸككە تارتىپ جاتسىڭ?" دەدٸ. بٸز "زاڭنىڭ اتى - زاڭ, بارلىعىنا بٸردەي" دەدٸك.

جٷزدەگەن ديرەكتوردى جاۋاپكەرشٸلٸككە تارتتىق. قانشاما ەكٸمنٸڭ ورىنباسارىن, ٷلكەن لاۋازىمدى تۇلعالاردى دا جاۋاپكەرشٸلٸككە تارتتىق. مۇعالٸمدەر بالالاردى وقىتۋ كەرەك, باسقا بولماۋى كەرەك. وسىلايشا بٸراز مەسەلەنٸ ٶزگەرتتٸك دەپ ايتا الامىن", - دەدٸ ايماعامبەتوۆ "قاسقا جولعا" بەرگەن سۇحباتىندا. 

2023 جىلى اسحات ايماعامبەتوۆ مينيستر لاۋازىمىنان بوساتىلدى. شەنەۋنٸك 2019 جىلعى ماۋسىمنان باستاپ 2022 جىلعى ماۋسىمعا دەيٸن بٸلٸم جەنە عىلىم مينيسترٸ قىزمەتٸن اتقاردى. 2022 جىلعى 11 ماۋسىمنان باستاپ وقۋ-اعارتۋ مينيسترٸ بولىپ تاعايىندالدى. ول 4 جىلعا جۋىق ۋاقىتتا "حالىقتىڭ سٷيٸكتٸ مينيسترٸنە" اينالدى. ارتىنشا بۇل قىزمەتكە عاني بەكتايۇلى بەيسەمباەۆ كەلدٸ. بۇعان دەيٸن ول ى.التىنسارين اتىنداعى ۇلتتىق بٸلٸم اكادەميياسىنىڭ پرەزيدەنتٸ قىزمەتٸن اتقارعان ەدٸ.