Sharýalardy aıtýly kúnmen quttyqtaǵan aýdan ákiminiń orynbasary Azat Oralbaev:
– Elimizdiń jetistikterinde Ordabasylyqtardyń da eleýli úlesi baryn erekshe atap ótpekpin. Nesibesin etken eńbeginen kútken jerlesterimiz úshin bıylǵy jyl jemisti boldy, – dep, aýdanymyzdyń jetistikterine toqtaldy.
Saltanatty jıyn barysynda eńbek ardagerleri men ozattary Alǵys hattarmen marapattalyp, syı-sıapat ıelendi.
Bıyl aýdandaǵy egin sharýashylyǵy alqaptary 58 200 gektarǵa ulǵaıyp, mol ónim jınaýǵa múmkindik alǵanymen erekshelendi.
Jaz boıy bel jazbaı eńbektengen sharýalar 71 700 tonna kókónis, 50 755 tonna baqsha, 9500 tonna kartop, 52 901 tonna dándi-daqyldar, 5 510 tonna maıly daqyldar, 18 697 tonna maqta, 5 545 tonna jemis- jıdek ónimderi tolyqtaı jınap alyndy.
«Altyn kúz» saltanaty sporttyq saıystar men alaman kókparǵa ulasty. Shabandozdar júırikterin baptap, merekelik báıgeniń dodasyna qosty.
Dalanews.kz
