بۇگىن ورداباسى اۋدانىندا «التىن كۇز» مەرەكەسى سالتاناتپەن اتاپ ءوتىلدى. شارا اياسىندا اۋىلشارۋاشلىق ونىمدەرىنىڭ جارمەڭكەسى، اسىل تۇقىمدى مال، اۋىلشارۋاشىلىق تەحنيكالارىنىڭ كورمەلەرى ۇيىمداستىرىلدى.

شارۋالاردى ايتۋلى كۇنمەن قۇتتىقتاعان اۋدان اكىمىنىڭ ورىنباسارى ازات ورالبايەۆ:

– ەلىمىزدىڭ جەتىستىكتەرىندە ورداباسىلىقتاردىڭ دا ەلەۋلى ۇلەسى بارىن ەرەكشە اتاپ وتپەكپىن. نەسىبەسىن ەتكەن ەڭبەگىنەن كۇتكەن جەرلەستەرىمىز ءۇشىن بيىلعى جىل جەمىستى بولدى، – دەپ، اۋدانىمىزدىڭ جەتىستىكتەرىنە توقتالدى.

سالتاناتتى جيىن بارىسىندا ەڭبەك ارداگەرلەرى مەن وزاتتارى العىس حاتتارمەن ماراپاتتالىپ، سىي-سياپات يەلەندى.

بيىل اۋدانداعى ەگىن شارۋاشىلىعى القاپتارى 58 200 گەكتارعا ۇلعايىپ، مول ءونىم جيناۋعا مۇمكىندىك العانىمەن ەرەكشەلەندى.

جاز بويى بەل جازباي ەڭبەكتەنگەن شارۋالار 71 700 توننا كوكونىس، 50 755 توننا باقشا، 9500 توننا كارتوپ، 52 901 توننا ءداندى-داقىلدار، 5 510 توننا مايلى داقىلدار، 18 697 توننا ماقتا، 5 545 توننا جەمىس- جيدەك ونىمدەرى تولىقتاي جيناپ الىندى.

«التىن كۇز» سالتاناتى سپورتتىق سايىستار مەن الامان كوكپارعا ۇلاستى. شاباندوزدار جۇيرىكتەرىن باپتاپ، مەرەكەلىك بايگەنىڭ دوداسىنا قوستى.

 

Dalanews.kz