Ordabasy aýdanynyń jastary búginde kóptegen igi istiń basy-qasynda júr. Sonyń jalǵasy retinde belsendi jastar taǵy bir isti qolǵa aldy. Olar endi óńirdiń tazalyǵyn oilap, aýdan turǵyndary arasynda ekolologiialyq mádenietti qalyptastyryp, aýdanda alǵash bolyp qoqystardy suryptaýǵa arnalǵan jáshikter ornalastyrdy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
«Eko Ordabasy» qozǵalysynyń qatysýshylary halyq kóp shoǵyrlanǵan kóshe boiy men «Samuryq» alleiasyna temir metalldan jasalǵan túrli-tústi plastik, qaǵaz jáne shyny qaldyqtaryn suryptap tastaityn konteinerler ornalastyrdy. Bul joba Túrkistan oblysynyń «Azamattyq aliansy» zańdy tulǵalardyń qaýymdastyq nysanyndaǵy birlestiginiń qoldaýymen júzege asty.
Ordabasy aýdandyq jastar resýrstyq ortalyǵy basshysy Ásel Baimahanovanyń aitýynsha, aldaǵy ýaqytta qorshaǵyn ortanyń tazalyǵyna degen qatysty jumystar óz jalǵasyn tabady.
– Mundaǵy maqsatymyz – óńdeýge jatatyn qaldyqtarǵa ekinshi ómir berý jáne kópshilik arasynda qoqys tastaý mádenietin qalyptastyrý. Mundai jańashyldyq aýyl turǵyndardyń kóńilinen shyǵyp otyr. Turǵyndar suryptaýǵa degen qyzyǵýshylyq bildirip, qoqystardy jáshikterge suryptap tastaýda. Qorshaǵan ortany qorǵaý árbirimizdiń mindetimiz, – degen aýdan jastarynyń kóshbasshysy aýyl turǵyndaryn óz aýlalaryn taza ustap, retke keltirýge, sonymen qatar ainalasyn abattandyryp qoiýdy kúndelikti daǵdyǵa ainaldyrýǵa shaqyrdy.
