Jalpy quny 2 mlrd 600 mln teńgeni quraıtyn kásiporynda jergilikti 60 azamat jumyspen qamtylady. Atalǵan qysh zaýytynyń qýattylyǵy táýligine 120 000 dana. Bul týraly brıfıńte 9 aıda atqarylǵan jumystardy qorytyndylaǵan aýdan ákimi Baǵlan Batyrshaev málimdedi.
Sondaı-aq, kelesi joba – «Aleksandrovskıı sad» kókónis saqtaý qoımasy. Nysannyń jalpy quny 800 mln teńge. Onda 15 adam jumyspen qamtylady. Atalǵan qoıma aýdan sharýalarynyń ónimderin saqtaýǵa yńǵaıly oryn bolmaq.
– Aǵymdaǵy jyldyń 9 aıynda aýdanǵa 15 mlrd 296 mln teńge ınvestısıa tartylyp, 2020 jyldyń tıisti kezeńimen salystyrǵanda 2 mlrd 731 mln teńgege artty. Sonymen qatar, aýdan kóleminde jumys istep turǵan shaǵyn jáne orta kásipkerlik nysandarynyń sany 10 954. Olarda 16 669 adam jumyspen qamtylǵan. Óndiris salasynda jalpy 39 kásiporyn jumys júrgizýde. Esepti kezeńde osy kásiporyndarmen 1 mlrd 599 mln teńgeniń ónimi óndirilip, ótken jyldyń tıisti kezeńimen salystyrǵanda 353 mln teńgege artty, – dedi Baǵlan Dánebekuly.
Aýdan ekonomıkasynyń jetekshi baǵyttarynyń biri aýyl sharýashylyǵy salasy. Aýyl sharýashylyǵynyń jalpy óniminiń kólemi 9 aıda 50 mlrd 372 mln teńgeni qurap, ótken jyldyń osy kezeńimen salystyrǵanda 14 mlrd 381 mln teńgege ulǵaıdy.
