جالپى قۇنى 2 ملرد 600 ملن تەڭگەنى قۇرايتىن كاسىپورىندا جەرگىلىكتى 60 ازامات جۇمىسپەن قامتىلادى. اتالعان قىش زاۋىتىنىڭ قۋاتتىلىعى تاۋلىگىنە 120 000 دانا. بۇل تۋرالى بريفينگتە 9 ايدا اتقارىلعان جۇمىستاردى قورىتىندىلاعان اۋدان اكىمى باعلان باتىرشايەۆ مالىمدەدى.
سونداي-اق، كەلەسى جوبا – «الەكساندروۆسكيي ساد» كوكونىس ساقتاۋ قويماسى. نىساننىڭ جالپى قۇنى 800 ملن تەڭگە. وندا 15 ادام جۇمىسپەن قامتىلادى. اتالعان قويما اۋدان شارۋالارىنىڭ ونىمدەرىن ساقتاۋعا ىڭعايلى ورىن بولماق.
– اعىمداعى جىلدىڭ 9 ايىندا اۋدانعا 15 ملرد 296 ملن تەڭگە ينۆەستيسيا تارتىلىپ، 2020 جىلدىڭ ءتيىستى كەزەڭىمەن سالىستىرعاندا 2 ملرد 731 ملن تەڭگەگە ارتتى. سونىمەن قاتار، اۋدان كولەمىندە جۇمىس ىستەپ تۇرعان شاعىن جانە ورتا كاسىپكەرلىك نىساندارىنىڭ سانى 10 954. ولاردا 16 669 ادام جۇمىسپەن قامتىلعان. ءوندىرىس سالاسىندا جالپى 39 كاسىپورىن جۇمىس جۇرگىزۋدە. ەسەپتى كەزەڭدە وسى كاسىپورىندارمەن 1 ملرد 599 ملن تەڭگەنىڭ ءونىمى ءوندىرىلىپ، وتكەن جىلدىڭ ءتيىستى كەزەڭىمەن سالىستىرعاندا 353 ملن تەڭگەگە ارتتى، – دەدى باعلان دانەبەك ۇلى.
اۋدان ەكونوميكاسىنىڭ جەتەكشى باعىتتارىنىڭ ءبىرى اۋىل شارۋاشىلىعى سالاسى. اۋىل شارۋاشىلىعىنىڭ جالپى ءونىمىنىڭ كولەمى 9 ايدا 50 ملرد 372 ملن تەڭگەنى قۇراپ، وتكەن جىلدىڭ وسى كەزەڭىمەن سالىستىرعاندا 14 ملرد 381 ملن تەڭگەگە ۇلعايدى.
