2025 jyldyń alǵashqy jartyjyldyǵynda aýdanǵa 9,4 mlrd teńge tikelei investitsiia tartyldy. Qazirgi tańda ónerkásip óniminiń kólemi 20,6 mlrd teńgeni qurap otyr. Bul týraly Ordabasy aýdanynyń ákimi Azat Oralbaev BAQ ókilderimen ótken brifingte málimdedi,- dep habarlaidy Dalanews.kz
«Aýylsharýashylyq salasynda biyl qańtar-mamyr ailarynda 14,3 mlrd teńgeniń ónimi óndirildi. Biylǵy egis naýqanynda 71 600 gektar jerge aýyl sharýashylyǵy daqyldary egildi. Dándi daqyldar – 38 myń ga, maily daqyldar – 5,3 myń ga, maqta – 6,4 myń ga, kókónis, baqsha, kartop – 4,9 myń ga, mal azyǵy daqyldary – 17 myń ga. «Bir alqaptan jylyna 2-3 ónim alý» jobasy boiynsha 350 gektar jerde 125 joba júzege asyrylýda. Sý únemdeý tehnologiiasy boiynsha biyl 1 333 gektarǵa engiziledi. Onyń 1 188 gektaryn tamshylatyp sýǵarý, 145 gektaryn jańbyrlatyp sýǵarý júieleri quraidy. Aýdandaǵy 129,4 gektar jylyjaida 12 myń tonna kókónis ónimderi óndiriledi. Budan bólek, aýdandaǵy 14 705 shaǵyn kásipkerlik nysandarynda 21 407 adam jumyspen qamtylǵan. 2025 jyly óndirilgen ónim qunyn 208,6 mlrd teńgege jetkizý josparlanýda. Aýdan aýmaǵynda «Ordabasy» jáne «Badam» indýstrialdy aimaqtary ornalasqan. Qos indýstrialdy aimaqtyń jalpy aýmaǵy - 106 gektar. Onda quny 30 mlrd teńgeden asatyn 10 joba júzege asýda. Atalǵan aýmaqtarda 1200-ge jýyq adam jumyspen qamtylǵan»,- dedi aýdan basshysy.
Sonymen qatar, biyl «Aýyldyq densaýlyq saqtaýdy jańǵyrtý» ulttyq jobasy aiasynda 3 meditsinalyq nysan paidalanýǵa berilgen. Nátijesinde aýdan boiynsha densaýlyq saqtaý nysandary 100 paiyzǵa jańartyldy. Aýdan boiynsha 54 eldi meken sapaly aýyz sýmen qamtylǵan. Qalǵan 3 eldi mekende qurylys-montajdaý jumystary júrgizilýde. Jyl sońyna deiin aimaqtaǵy búkil eldi meken 100 paiyz aýyz sýmen qamtylatyn bolady. Sondai-aq, óńirdegi 36-sy aýyl tabiǵi gaz júiesine qosylǵan. Endigi kezekte qalǵan 21 eldi mekenge gaz jetkizý jumystary kezeń-kezeńimen iske asyrylyp, 2026 jyldyń aiaǵyna deiin aýdan turǵyndaryn tolyq kógildir otynmen qamtý josparlanýda.
Sonymen qatar, aýdan boiynsha 57 eldi meken tolyq elektr qýatymen qamtylǵan. Biyl «Ońtústik Jaryq Tranzit» JShS tarapynan 7 dana transformator aýystyrylatyn bolady. Aýdan boiynsha jalpy uzyndyǵy 230,4 shaqyrymdy quraityn 201 kóshede jaryqtandyrý quraldary ornatylǵan.
Budan bólek, biyl «Aýyl – El besigi» baǵdarlamasy aiasynda 8 eldi mekendegi 28 kóshege jóndeý jumystary júrgizilýde. Sonymen qatar, aýdandyq biýdjetten 6 kóshege orta jóndeý, 3 kópirge aǵymdaǵy jóndeý jáne 4 aýyldyń ishki kóshelerine tas tóseý jumystary júrgizildi.
Sondai-aq, 4 aýdandyq mańyzy bar avtomobil joldary ortasha jóndeýden ótkizilýde. Sondai-aq, azamattardy turǵyn úimen qamtý maqsatynda ótken jyly 136 páter berilgen. Biyl Temirlan eldi mekeninde 2 qabatty 14 turǵyn úidiń qurylysy júrgizilýde. Jyl sońyna deiin barlyq qurylys nysandary aiaqtalady dep kútilýde. Nátijesinde kezekte turǵan 216 otbasynyń baspana máselesi sheshiletin bolady.
