Ordabasy aýdany Bórjar aýylynda jylyna 14 myń tonna un ónimderin óndiretin kásiporynnyń qurylysy júrip jatyr, – dep habarlaidy Dalanews.kz
TOO «Keruen Products» óndiristik birlestigi makaronnyń 10 túrin jáne tez daiyndalatyn kespe túrlerin shyǵaryp, 120 adamdy turaqty jumyspen qamtymaq. Jalpy 5,5 gektar aýmaqta ornalasqan bul óndiristik joba iske qosylǵan soń jergilikti biýdjettiń kiris kólemin arttyrady dep kútilýde.
Óńir ekonomikasyna aitarlyqtar áserin tigizetin nysan qurylysymen tanysý úshin aýdan ákimi Azat Oralbaev arnaiy baryp, jumystarǵa oń baǵasyn berdi. Sondai-aq, Azat Abdiǵaliuly Badam aýylynda boi kóterip jatqan 250 oryndyq Mádeniet úiiniń qurylys jumystaryn qadaǵalady. Sonymen qatar, jaýapty mamandarmen birge Uialyjar aýylyndaǵy Abai kóshesindegi aiaqjol salý, Sátbai Bolys kóshesindegi asfalt tóseý, Qainar eldi mekenindegi transformator ornatý máselelerin zerdeledi. Odan bólek, Yntymaq aýylyndaǵy 200 oryndyq mektep qurylysynyń barysyn baqylap, jumys barysyndaǵy birqatar kemshilikterge eskertýler jasap, jaýapty qyzmetkerlerge naqty tapsyrmalar júktedi.
