Forým aıasynda Ordabasy aýdanynan «Ordabasy qus», «Bórte Mılka» JSHS, «Ordabasy eshki sút ónimderi» ASHÓK, «Karloskrona LBC», «Grin technology inginerlng» jane «Kazkioti» 'JSHS ónimderi kópshilik nazaryna usynyldy.
Aýdandaǵy irgeli kásiporynnyń biri «Ordabasy qus»
«Ordabasy qus» JSHS-niń joǵary tehnologıaly qus ósirý kesheni 2010 jyldan bastap óndiristik qýaty 5000 tonnaǵa deıin túıetaýyq etin óńdep keledi. Kásiporyn Túrkistan oblysy Ordabasy aýdanyndaǵy Badam aýylynda ornalasqan. Bul keshen túıetaýyq etin óndiristik negizde óńdeıtin Qazaqstandaǵy birinshi agroóndiristik keshen. Nysan Qazaqstannyń ındýstrıalandyrý Kartasyna enip, «Kazagrofınans» AQ-nyń enshiles kompanıasynyń qarjylandyrylýymen iske qosyldy. Bul jobanyń jalpy ınvestısıasy 5,58 mlrd teńge.
2013 jyldyń sońynda keshendi keńeıtýdiń ekinshi kezeńinde túıetaýyq etiniń óndiristik qýatyn 3282 tonnaǵa ulǵaıtýǵa múmkindik aldy. Qazir munda jylyna 8110 tonna túıetaýyq eti óndiriledi. Búgingi kúni qus ósirý kesheninde ónimniń 55 túri shyǵarylady – jeńil dıetaǵa arnalǵan etten bastap, qaıta óndirilgen et túrine deıin bar. Óndirilgen ónimniń 30 paıyzy Reseıge eksportttalady, tasymaldyń jarty shyǵynyn «KAZNEX INVEST» óteıdi, ettiń 70 paıyzy ishki naryqqa túsedi.
Dalanews.kz
