بۇگىن شىمكەنت كالاسىنداعى كورمە ورتالىعىندا قازاقستان مەن وزبەكستاننىڭ ىنتىماقتاستىق ءى ءوڭىرارالىق تاۋار وندىرۋشىلەرىنىڭ فورۋمى وتۋدە.

فورۋم اياسىندا ورداباسى اۋدانىنان «ورداباسى قۇس»، «بورتە ميلكا» ج ش س، «ورداباسى ەشكى ءسۇت ونىمدەرى» اشوك، «Karloskrona LBC»، «Grin technology inginerlng» جانە «Kazkioti» 'ج ش س ونىمدەرى كوپشىلىك نازارىنا ۇسىنىلدى.

اۋدانداعى ىرگەلى كاسىپورىننىڭ ءبىرى «ورداباسى قۇس»

«ورداباسى قۇس» ءجشس-نىڭ جوعارى تەحنولوگيالى قۇس ءوسىرۋ كەشەنى 2010 جىلدان باستاپ وندىرىستىك قۋاتى 5000 تونناعا دەيىن تۇيەتاۋىق ەتىن وڭدەپ كەلەدى. كاسىپورىن تۇركىستان وبلىسى ورداباسى اۋدانىنداعى بادام اۋىلىندا ورنالاسقان. بۇل كەشەن تۇيەتاۋىق ەتىن وندىرىستىك نەگىزدە وڭدەيتىن قازاقستانداعى ءبىرىنشى اگرووندىرىستىك كەشەن. نىسان قازاقستاننىڭ يندۋستريالاندىرۋ كارتاسىنا ەنىپ، «كازاگروفينانس» اق-نىڭ ەنشىلەس كومپانياسىنىڭ قارجىلاندىرىلۋىمەن ىسكە قوسىلدى. بۇل جوبانىڭ جالپى ينۆەستيسياسى 5،58 ملرد تەڭگە.

2013 جىلدىڭ سوڭىندا كەشەندى كەڭەيتۋدىڭ ەكىنشى كەزەڭىندە تۇيەتاۋىق ەتىنىڭ وندىرىستىك قۋاتىن 3282 تونناعا ۇلعايتۋعا مۇمكىندىك الدى. ءقازىر مۇندا جىلىنا 8110 توننا تۇيەتاۋىق ەتى وندىرىلەدى. بۇگىنگى كۇنى قۇس ءوسىرۋ كەشەنىندە ءونىمنىڭ 55 ءتۇرى شىعارىلادى – جەڭىل ديەتاعا ارنالعان ەتتەن باستاپ، قايتا وندىرىلگەن ەت تۇرىنە دەيىن بار. وندىرىلگەن ءونىمنىڭ 30 پايىزى رەسەيگە ەكسپورتتتالادى، تاسىمالدىڭ جارتى شىعىنىن «KAZNEX INVEST» وتەيدى، ەتتىڭ 70 پايىزى ىشكى نارىققا تۇسەدى.

 

Dalanews.kz