Qazaqstan Bas prokýratýrasy “Ordabasy” fýtbol klýbynyń burynǵy prezidenti Baqtiiar Baiseiitovty ekstraditsiialaý týraly Túrkiiaǵa resmi suraý joldady. Ol asa iri kólemdegi qarajatty jymqyrý deregi boiynsha halyqaralyq izdeýde júr, dep habarlaidy Dalanews.kz. QazAqparatqa silteme jasap.
Bas prokýratýranyń málimetinshe, Baiseiitov Túrkiia aýmaǵynan anyqtalǵan. 21 aqpanda Qazaqstan Ankaraǵa onyń elge qaitarylýyna qatysty resmi qujattardy jibergen.
“Ázirge Túrkiia tarapynan jaýap túsken joq”, – dep habarlady Qadaǵalaýshy organnyń baspasóz qyzmeti.
Tergeý nusqasy boiynsha, Bahtiiar Baiseiitov Túrkistan oblysyndaǵy “Qarataý” kenishin salýǵa bólingen 320 mln teńgeden astam qarajatty jymqyrýǵa qatysy bar degen kúdikke ilingen. Tekserý nátijesinde jobaǵa qajet jabdyqtardyń jetkizilmegeni, al bólingen qarjynyń bir bóligi Iri Building jáne “Qarataý” siiaqty bailanysy bar kompaniialar arqyly zańsyz shyǵarylǵany anyqtalǵan.
Tergeýshiler onyń osy kompaniialardyń múddesin lobbi jasap, sheshim qabyldaý protsesterine yqpal etkenin aitady. Baiseiitovtyń áreketi QR QK 189-baby, 4-bólimi, 2-tarmaǵy (“Ózgeniń múlkin asa iri kólemde talan-tarajǵa salý, adamdar tobynyń aldyn ala sóz bailasýymen jasalǵan”) boiynsha saralanýda.
Aita keteiik, Bahtiiar Baiseitov 2017–2021 jyldary “Ordabasy” fýtbol klýbynyń prezidenti bolǵan.
