Ordabasy aýdanynda aýyl sharýashylyǵy salasynda 31 mlrd. teńgeniń ónimi óndirildi
Onyń ishinde mal sharýashylyǵynyń óndirisi 16 mlrd. 689 mln. 100 myń teńge, naqty kólem indeksi 101,2 paiyz, egin sharýashylyǵynyń ónimi 15 mlrd. 195 mln. 900 myń teńge, naqty kólem indeksi 106 paiyz jáne balyq sharýashylyǵy 90 mln. teńgeniń ónimi óndirilip, naqty kólem indeksi 100 paiyzdy qurady.
Búginde mal sharýashylyǵy salasyn damytýdyń negizgi kórsetkishteri mal basy men mal sharýashylyǵy ónimderin ulǵaitýǵa jáne asyl tuqymdy mal basynyń úlesin arttyrýǵa baǵyttalǵanyn aita ketýimiz kerek. Ótken jyly aýdanda iri qara mal – 56338 bastan assa, qoi men eshki – 311 889 bas, jylqy – 20922 bas, túie – 633 basty qurǵandy-dy.
Osy rette mal sharýashylyǵy salasynda ónim óndirý isi de alǵa basyp kele jatqanyn atap aitýǵa bolady. Aýdanda mal men qus etin óndirý (tiri salmaqpen) – 20673,8 tonnaǵa jetti. Sol siiaqty taýyqtan alynǵan jumyrtqalar – 9174,4 danany quraǵanyn aita ketýimiz kerek. Al siyrlardan saýylyp alynǵan sút – 40127,1 tonnaǵa jetip, aýyl sharýashylyǵy eńbekkerleri úlken nátijege qol jetkizgenin airyqsha atap ótýge bolady.
Dalanews.kz
