Ordabasy aýdanynda 40 kásipker kepilsiz nesie alyp, kásibin damytýǵa kiristi
Túrkistan oblysynda «Biznestiń jol kartasy – 2025» baǵdarlamasy boiynsha saýda jáne qyzmet kórsetý salalaryndaǵy jeke kásipkerlerge qarajat ainalymyn ulǵaitý úshin 5 mln teńgege deiin kepilsiz nesie beriledi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Nesieniń jyldyq syiaqy mólsheriniń 6 paiyzyn ǵana kásipker tóleidi, qalǵan bóligi memleket tarapynan óteledi. Olardan kepilge múlik talap etilmeidi, óitkeni «Damý» kásipkerlerdi qarjylai qoldaý qory» AQ-y alatyn nesie qarjynyń 85 paiyzyna ekinshi deńgeidegi bank uiymynyń aldynda kepildeme beredi.
Ordabasy aýdanynda kepilsiz nesie tártibi barlyq aýyl okrýg turǵyndaryna jan-jaqty túsindirilýde. Qazirgi tańda kepilsiz nesie alýǵa nietti kásipkerlerdiń 40-y 150 mln teńgeden astam qarjyǵa qol jetkizip, kásibin damytýǵa kiristi. Jalpy aýdanda tirkelgen shaǵyn jáne orta kásipkerliktegi sýbektilerdiń sany 11 myńnan asady. Osy qurylymdar boiynsha 15 myńnan azamat jumyspen qamtylǵan.
Ótken jyly aýdanda shaǵyn nesie uiymdary arqyly 5 myńnan astam adam 4 mlrd teńgege jýyq nesie qarjy igerdi. «Biznestiń jol kartasy 2020» memlekettik baǵdarlamasy aiasynda bank nesielerin sýbsidiialaý jelisimen 8 joba 64 mln. teńgege qarjylandyryldy. «Qarapaiym zattar ekonomikasy» baǵdarlamasy sheńberinde jalpy somasy 1,5 mlrd. teńgeni quraityn 34 potentsialdy joba súiemeldenip, 789 mln. teńgeni quraityn 24 joba qarjylandyryldy.
