«Oramal taǵý dinı paryz. Buǵan teologıalyq turǵydan eshkimniń talasy joq. Kimderge? Balıǵat jasyna (14 jas) jetken qyzdarǵa. Endeshe, áli balıǵat jasyna jetpegen kishkentaı búldirshinderge oramal taqtyryp qoǵamdy dúrliktirý durys emes. Al balıǵat jasyndaǵy dinı mindetti atqarǵysy keletin qyzdarymyzdy ne isteımiz?
Olardyń dinı nanymyn qaıtemiz? Májbúrlep sheshtiremiz be? Álde joǵarǵy synyp oqýshylaryna ruqsat berip, jastaryna saı jarasymdy etip, arnaıy kıim úlgisin bekitemiz be?
Qaı joldy tańdaımyz? Joǵarǵy oqý ornynda oqıtyndarǵa ruqsat berip, mekteptegi joǵarǵy synyptaǵylarǵa tyıym salýymyzǵa quqyqtyq qandaı negiz bar? Biryńǵaı forma negiz bola alady ma? Ata zańdaǵy nanym senim bostandyǵyn qaıda tyǵamyz?
Oramal taǵa almaǵany úshin shetelge oqytýǵa qyzdaryn jiberip jatqandar bar. Osynda qalyp bılikke renjip júrgender qanshama? Munyń durys sheshimi qaısy? Aýǵanstanǵa uqsamaýdyń joly balıǵat jasyndaǵy qyzdarymyzdyń oramal taǵyp- taqpaýynda bolmasa kerek. Másele sanada! Durys dinı bilimde.
Oramal máselesi áli talaı aldymyzdan shyǵyp, áli talaı basymyzdy aýyrtatyny sózsiz», — deıdi ol óz jazbasynda.
