«ورامال تاعۋ ءدىني پارىز. بۇعان تەولوگيالىق تۇرعىدان ەشكىمنىڭ تالاسى جوق. كىمدەرگە؟ باليعات جاسىنا (14 جاس) جەتكەن قىزدارعا. ەندەشە، ءالى باليعات جاسىنا جەتپەگەن كىشكەنتاي بۇلدىرشىندەرگە ورامال تاقتىرىپ قوعامدى دۇرلىكتىرۋ دۇرىس ەمەس. ال باليعات جاسىنداعى ءدىني مىندەتتى اتقارعىسى كەلەتىن قىزدارىمىزدى نە ىستەيمىز؟
ولاردىڭ ءدىني نانىمىن قايتەمىز؟ ماجبۇرلەپ شەشتىرەمىز بە؟ الدە جوعارعى سىنىپ وقۋشىلارىنا رۇقسات بەرىپ، جاستارىنا ساي جاراسىمدى ەتىپ، ارنايى كيىم ۇلگىسىن بەكىتەمىز بە؟
قاي جولدى تاڭدايمىز؟ جوعارعى وقۋ ورنىندا وقيتىندارعا رۇقسات بەرىپ، مەكتەپتەگى جوعارعى سىنىپتاعىلارعا تىيىم سالۋىمىزعا قۇقىقتىق قانداي نەگىز بار؟ ءبىرىڭعاي فورما نەگىز بولا الادى ما؟ اتا زاڭداعى نانىم سەنىم بوستاندىعىن قايدا تىعامىز؟
ورامال تاعا الماعانى ءۇشىن شەتەلگە وقىتۋعا قىزدارىن جىبەرىپ جاتقاندار بار. وسىندا قالىپ بيلىككە رەنجىپ جۇرگەندەر قانشاما؟ مۇنىڭ دۇرىس شەشىمى قايسى؟ اۋعانستانعا ۇقساماۋدىڭ جولى باليعات جاسىنداعى قىزدارىمىزدىڭ ورامال تاعىپ- تاقپاۋىندا بولماسا كەرەك. ماسەلە سانادا! دۇرىس ءدىني بىلىمدە.
ورامال ماسەلەسى ءالى تالاي الدىمىزدان شىعىپ، ءالى تالاي باسىمىزدى اۋىرتاتىنى ءسوزسىز»، — دەيدى ول ءوز جازباسىندا.
