Ótken jyly jaz boiy Úkimet basshysy Baqytjan Saǵyntaev, keiin onyń orynbasary, aýyl sharýashylyǵy ministri Asqar Myrzahmetov tóraǵalyq etken, quramyna jetpisten astam adam kirgen komissiia jaz boiy jumys istedi.
Sol talqylaýǵa bastan-aiaq qatysyp, batyl da ornyqty pikirlerimen kózge túsken Muhtar Taijannyń qaperine hat jazyp, aýyl sharýashylyǵy maqsatyndaǵy jerlerdiń on paiyzyn bolashaqta shetten kóship keletin qandastarymyzǵa qorǵa alyp qalý máselesin kótergen edik (http://abai.kz/post/44576). Ony BAQ jarysa jazyp, bir bólim qoǵam qairatkerleri qoldaǵan bolatyn (http://abai.kz/post/44398 ). beker obaly ne, Muhtar Taijan baýyrymyz da bul máseleni sol Jer týraly komissiianyń bir-eki jinalysynda sóz arasynda kótergeni esimizde (http://www.qazaquni.kz/2016/07/10/54869.html )!
Mine sol ózekti bastamanyń Zańmen bekitilip, sózdiń iske asyrylatyn oraiy men kezeńi keldi!
Oralmandarǵa jer ýchaskelerin berý Qazaqstan Respýblikasynyń qazir qoldanystaǵy «Jer kodeksiniń» (2003 jylǵy 20 maýsymdaǵy №442) 46-baby jáne 100-babynda qarastyrylǵan. Sondai-aq, «Halyqtyń kóshi-qony týraly» (2011 jylǵy 22 shildedegi №477-IV) Zańnyń 23-babynda da Oralmandarǵa jer ýchaskelerin berý Oralmandarǵa, etnikalyq qazaqtarǵa jáne olardyń otbasy múshelerine usynylatyn memlekettik qoldaý sharalarynyń tizbesine engizilgen. Bul normalarǵa tiispeý kerek!!!
Ókinishke orai, kóship kelip, «Oralman» mártebesin alyp, sharýashylyq qurý úshin Jer telimderin surap barǵan qandastarymyzǵa Aqmola oblysy men Ereimentaý aýdany sekildi keibir oblystyq Jer qatynastary basqarmalary men aýdan ákimderi «Jer zańnamasynyń keibir normalaryn qoldanýǵa moratorii engizý týraly» Qazaqstan Respýblikasy Prezidentiniń 2016 jylǵy 6 mamyrdaǵy №248 Jarlyǵyn» kóldeneń tartyp, atalǵan zań normalaryn oryndamai otyrǵany anyqtaldy (http://abai.kz/post/49114 ). Ol az deseńiz, «BOS JER JOQ!» degen jaýaptar da kezdesti. (Tómendegi hatty qarańyz:)
2016 jyly 16 myń 417 otbasy nemese 33 myń 754 etnikalyq qazaq tarihi Otanyna qaita oralyp, oralman mártebesin aldy. 2015 jylǵymen salystyrǵanda jeti esege kóp oralǵan. Al, biyl bul kórsetkish eki-úsh esege artýy múmkin!
Sol úshin májiliste talqyǵa túsken "Qazaqstan Respýblikasynyń keibir zańnamalyq aktilerine jer qatynastaryn retteý máseleleri boiynsha ózgerister men tolyqtyrýlar engizý týraly” zań jobasyna, eń keminde, «Oralmandarǵa on paiyz jer qorǵa qaldyrylady» degen arnaiy bap sózsiz egizilýi kerek!
Al, Elbasynyń strategiialyq saiasatyn tereń túsinip, jomarttyq jasap, 20 paiyz qaldyrsa, tipti jaqsy!
Men Májilistegi jumys tobynyń quramyna kirgen Muhtar Taijan baýyryma bul máseleni amanat etip tapsyramyn. Depýtattarǵa táptishtep túsindirýin, beti men bedelin salyp oryndatýyn suraimyn!
Aýyt Muqibek
06.04.2016
Astana
Abai.kz
