Batys Qazaqstan oblysynda Oral qalalyq aýmaqtyq veterinariialyq baqylaý jáne qadaǵalaý inspektsiiasynyń basshysy Abylai Muqaev para aldy degen kúdikpen ustaldy, dep habarlaidy dalanews.kz.
Bul týraly "Ýralskaia nedelia" agenttigi málimdedi. Jergilikti belsendi Baýyrjan Ahmetjannyń dereginshe, sheneýnik 1 maýsym kúni sharýa qojalyqtarynyń birinen aqsha alý kezinde qolǵa túsken.
Atalǵan derek boiynsha qylmystyq isti Batys Qazaqstan oblysy boiynsha Ulttyq qaýipsizdik komiteti departamenti tergep jatyr.
Abylai Muqaev Aýyl sharýashylyǵy ministrligi Veterinariialyq baqylaý jáne qadaǵalaý komitetine qarasty Batys Qazaqstan oblystyq aýmaqtyq inspektsiiasynyń quramyndaǵy Oral qalalyq aýmaqtyq inspektsiiany basqarady.
Belsendiniń aitýynsha, óńirdegi veterinariialyq baqylaý salasynda buǵan deiin de jemqorlyq faktileri tirkelgen. Máselen, 2024 jyldyń qyrkúieginde oblystyq inspektsiianyń bas mamany Iastaýi Musaǵaliev pen veterinariialyq inspektor Talǵat Aisiev para alǵany úshin sottalǵan. Al 2025 jyldyń qyrkúieginde Bórli aýdandyq veterinariialyq stantsiiasynyń direktory Janbolat Mahmudovqa qatysty aiyptaý úkimi shyqqan.
Baýyrjan Ahmetjan óńirdegi veterinariialyq baqylaý júiesindegi jemqorlyq faktileri júieli sipatqa ie ekenin alǵa tartyp, baǵynysty qyzmetkerleri sottalǵanyna qaramastan, keibir basshylardyń qyzmetterinde qala beretinin málimdedi.
Qazirgi ýaqytta quqyq qorǵaý organdary istiń barlyq mán-jaiyn anyqtap jatyr.
