باتىس قازاقستان وبلىسىندا ورال قالالىق اۋماقتىق ۆەتەرينارييالىق باقىلاۋ جەنە قاداعالاۋ ينسپەكتسيياسىنىڭ باسشىسى ابىلاي مۇقاەۆ پارا الدى دەگەن كٷدٸكپەن ۇستالدى, دەپ حابارلايدى dalanews.kz.
بۇل تۋرالى "ۋرالسكايا نەدەليا" اگەنتتٸگٸ مەلٸمدەدٸ. جەرگٸلٸكتٸ بەلسەندٸ باۋىرجان احمەتجاننىڭ دەرەگٸنشە, شەنەۋنٸك 1 ماۋسىم كٷنٸ شارۋا قوجالىقتارىنىڭ بٸرٸنەن اقشا الۋ كەزٸندە قولعا تٷسكەن.
اتالعان دەرەك بويىنشا قىلمىستىق ٸستٸ باتىس قازاقستان وبلىسى بويىنشا ۇلتتىق قاۋٸپسٸزدٸك كوميتەتٸ دەپارتامەنتٸ تەرگەپ جاتىر.
ابىلاي مۇقاەۆ اۋىل شارۋاشىلىعى مينيسترلٸگٸ ۆەتەرينارييالىق باقىلاۋ جەنە قاداعالاۋ كوميتەتٸنە قاراستى باتىس قازاقستان وبلىستىق اۋماقتىق ينسپەكتسيياسىنىڭ قۇرامىنداعى ورال قالالىق اۋماقتىق ينسپەكتسييانى باسقارادى.
بەلسەندٸنٸڭ ايتۋىنشا, ٶڭٸردەگٸ ۆەتەرينارييالىق باقىلاۋ سالاسىندا بۇعان دەيٸن دە جەمقورلىق فاكتٸلەرٸ تٸركەلگەن. مەسەلەن, 2024 جىلدىڭ قىركٷيەگٸندە وبلىستىق ينسپەكتسييانىڭ باس مامانى ياستاۋي مۇساعاليەۆ پەن ۆەتەرينارييالىق ينسپەكتور تالعات ايسيەۆ پارا العانى ٷشٸن سوتتالعان. ال 2025 جىلدىڭ قىركٷيەگٸندە بٶرلٸ اۋداندىق ۆەتەرينارييالىق ستانتسيياسىنىڭ ديرەكتورى جانبولات ماحمۇدوۆقا قاتىستى ايىپتاۋ ٷكٸمٸ شىققان.
باۋىرجان احمەتجان ٶڭٸردەگٸ ۆەتەرينارييالىق باقىلاۋ جٷيەسٸندەگٸ جەمقورلىق فاكتٸلەرٸ جٷيەلٸ سيپاتقا يە ەكەنٸن العا تارتىپ, باعىنىستى قىزمەتكەرلەرٸ سوتتالعانىنا قاراماستان, كەيبٸر باسشىلاردىڭ قىزمەتتەرٸندە قالا بەرەتٸنٸن مەلٸمدەدٸ.
قازٸرگٸ ۋاقىتتا قۇقىق قورعاۋ ورگاندارى ٸستٸڭ بارلىق مەن-جايىن انىقتاپ جاتىر.
