Oral turǵyny dúkendi sotqa berdi. Oǵan taýardy qaita alýdan bas tartyp, Resei zańdaryn alǵa tartqan, dep habarlaidy Dalanews.kz.
Batys Qazaqstan oblysynyń ortalyǵy – Oral qalasynyń turǵyny Rýslan Satybaldin «Detskii mir» dúkeniniń turaqty klienti. Ol dúkennen balalarǵa arnalǵan jórgekter satyp alyp, úiine kelgen soń taýardyń ózine jaramaitynyn baiqaidy. Sodan keiin qoldaý qyzmetine «Ótken tapsyryspen birge jórgekterdi tym kóp alyp qoiyppyn, qalai qaitara alamyn?» dep habarlama jazady.
Qoldaý qyzmeti bylai jaýap bergen:
«Rýslan, kútkeńizge raqmet. Bul taýar sapaly taýarlar qataryna jatady jáne Resei Federatsiiasy Úkimetiniń 2020 jylǵy 31 jeltoqsandaǵy qaýlysyna sáikes qaitarýǵa/almastyrýǵa jatpaidy».
Qazaqstandyq azamat operatordyń reseilik qujatqa silteme jasaǵanyna ashýlanǵan.
