Oralda sýǵa batyp bara jatqan jasóspirimdi qutqarmaq bolǵan 18 jastaǵy qyz kóz jumdy, dep habarlaidy dalanews.kz.
Qaiǵyly oqiǵa 16 shildede Jaiyq ózeniniń Remzavod aýdanyndaǵy shomylýǵa arnalmaǵan jaǵajaida bolǵan. Alsý Ermaǵambetova júzýdi bilmese de, sýǵa batyp bara jatqan adamdy qutqarý úshin ózenge sekirgen.
Sol kúni boijetken qurbysymen jáne eki tanysymen birge ózen jaǵasynda demalyp otyrǵan. Olar onyń meditsinalyq kolledjge oqýǵa túskenin atap ótip jatqan.
Marqumnyń tátesi Aigúl Hýsainovanyń aitýynsha, Alsý Terekti aýdanynyń Terekti aýylynda turyp, sol jerde bilim alǵan. Ony ájesi tárbielep ósirgen. Boijetken mektepte jaqsy oqyp, sportpen ainalysqan jáne kóptegen maqtaý qaǵazyna ie bolǵan.
«Olar jaǵalaýda otyryp, shyryn iship, pitstsa jegen. Keiin Alsý men onyń qurbysy Milana sýǵa tizelerine deiin kirgen, al 16 jastaǵy jasóspirim ári qarai júzip ketken. Bir kezde ol kómek surai bastaǵan. Alǵashynda ony qaljyńdap jatyr dep oilaǵan, biraq keiin shynymen sýǵa batyp bara jatqanyn túsingen. Júzýdi bilmeitin Alsý birden sýǵa sekirgen. Jasóspirim jaǵaǵa shyǵyp úlgergen, oǵan keiin jetken er adam da kómektesýge tyrysqan. Alaida Alsýdy qutqaryp qala almady», – dedi Aigúl Hýsainova.
