ورالدا سۋعا باتىپ بارا جاتقان جاسٶسپٸرٸمدٸ قۇتقارماق بولعان 18 جاستاعى قىز كٶز جۇمدى, دەپ حابارلايدى dalanews.kz.
قايعىلى وقيعا 16 شٸلدەدە جايىق ٶزەنٸنٸڭ رەمزاۆود اۋدانىنداعى شومىلۋعا ارنالماعان جاعاجايدا بولعان. السۋ ەرماعامبەتوۆا جٷزۋدٸ بٸلمەسە دە, سۋعا باتىپ بارا جاتقان ادامدى قۇتقارۋ ٷشٸن ٶزەنگە سەكٸرگەن.
سول كٷنٸ بويجەتكەن قۇربىسىمەن جەنە ەكٸ تانىسىمەن بٸرگە ٶزەن جاعاسىندا دەمالىپ وتىرعان. ولار ونىڭ مەديتسينالىق كوللەدجگە وقۋعا تٷسكەنٸن اتاپ ٶتٸپ جاتقان.
مارقۇمنىڭ تەتەسٸ ايگٷل حۋساينوۆانىڭ ايتۋىنشا, السۋ تەرەكتٸ اۋدانىنىڭ تەرەكتٸ اۋىلىندا تۇرىپ, سول جەردە بٸلٸم العان. ونى ەجەسٸ تەربيەلەپ ٶسٸرگەن. بويجەتكەن مەكتەپتە جاقسى وقىپ, سپورتپەن اينالىسقان جەنە كٶپتەگەن ماقتاۋ قاعازىنا يە بولعان.
«ولار جاعالاۋدا وتىرىپ, شىرىن ٸشٸپ, پيتستسا جەگەن. كەيٸن السۋ مەن ونىڭ قۇربىسى ميلانا سۋعا تٸزەلەرٸنە دەيٸن كٸرگەن, ال 16 جاستاعى جاسٶسپٸرٸم ەرٸ قاراي جٷزٸپ كەتكەن. بٸر كەزدە ول كٶمەك سۇراي باستاعان. العاشىندا ونى قالجىڭداپ جاتىر دەپ ويلاعان, بٸراق كەيٸن شىنىمەن سۋعا باتىپ بارا جاتقانىن تٷسٸنگەن. جٷزۋدٸ بٸلمەيتٸن السۋ بٸردەن سۋعا سەكٸرگەن. جاسٶسپٸرٸم جاعاعا شىعىپ ٷلگەرگەن, وعان كەيٸن جەتكەن ەر ادام دا كٶمەكتەسۋگە تىرىسقان. الايدا السۋدى قۇتقارىپ قالا المادى», – دەدٸ ايگٷل حۋساينوۆا.
