Oraldaǵy Tuńǵysh Prezident atyndaǵy ortalyq alańda el tarihynda alǵashqy ret arqan tartystan Qazaqstan Respýblikasynyń jańa rekordy tirkeldi. Bul týraly BQO dene shynyqtyrý jáne sport basqarmasy málimdedi, dep habarlaidy Dalanews.kz
Atalmysh sharada 200 adam bir mezette arqan tartyp, ulttyq sporttyń mártebesin asqaqtatty.
Shara salaýatty ómir saltyn nasihattaýǵa, ulttyq muramyzdy ulyqtaýǵa jáne jastardyń sportqa degen qyzyǵýshylyǵyn arttyrýǵa baǵyttalǵan.
Jarysqa eki komanda — «Jaiyq» jáne «Edil» qatysyp, ózara myqtyny anyqtady. Qyzyqty da tartysty ótken básekede «Jaiyq» komandasy jeńiske jetip, kópshiliktiń qoshemetine bólendi.
Atalǵan jetistik resmi túrde tirkelip, Oral qalasy arqan tartys boiynsha Qazaqstannyń rekordtar kitabyna endi.
Sharaǵa arnaiy kelgen Qazaqstan rekordtar kitabynyń resmi ókili Qýandyq Qudaibergenov qatysyp, rekord ornatylǵanyn jariialap, arnaiy sertifikatty saltanatty túrde tabystady.
