Oral qalasynda 35 gektar aýmaqta ornalasqan jalǵyz qoqys poligony tolyp qalǵan. Qala ákimdigi endi ne isteimiz dep bas qatyryp otyr, dep habarlaidy Dalanews.kz "Jetinshi arna"-ǵa siltep.
Telearnanyń habarlaýynsha, Oraldyń qoqys poligony 1975 jyly ashylǵan, ol 35 gektar aýmaqty alyp jatyr. Qazir poligon is júzinde tolly, al jazda poligon jii órtenedi. Sondyqtan qala qoqysty shyǵarý úshin biraz jyldan jańa orynǵa muqtaj. Ákimdik qýattylyǵy jylyna júz myń tonnaǵa deiingi qaldyqtardy suryptaý keshenin sala alatyn eki sheteldik kompaniiamen kelissózder júrgizýde. Bolashaqta qaldyqtardy energetikalyq kádege jaratý da josparlanyp jatyr eken. Eki kompaniianyń qaisysy jańa poligon salatyny áli belgisiz.
Jobalyq-smetalyq qujattama ázirlenip, ýákiletti memlekettik organdarmen kelisý rásimderi bastalǵan. Ákimdik, sondai-aq, jer ýchaskelerin bólip, nysandy qajetti infraqurylymmen qamtamasyz etý boiynsha jumystar júrgizbekshi.
"Nysan jalǵyz, al ony iske asyrýǵa eki kásiporyn qatysqysy keledi. Barlyq qajetti qujattardy birinshi bolyp resimdeitin, olardy qoldanystaǵy zańnamaǵa sáikes keltiretin jáne qarjylandyrýdy qamtamasyz etetin kompaniia jobany iske asyrýǵa kirise alady. Osydan keiin ǵana qurylys jumystary bastalady", - dep habarlady Tabiǵi resýrstar jáne tabiǵatty paidalanýdy retteý basqarmasy.
