Oral ákimi Mırjan Satqanov qyzmetinen ketti. Bul týraly ákim óziniń jeke paraqshasynda jazdy, dep habarlaıdy Dalanews.kz. 

Aıtýynsha, mundaı sheshim qabyldaýyna densaýlyǵy áser etken.

Men úshin bul qyzmette eki jyldan astam oraldyqtarmen qoıan-qoltyq jumys isteý úlken mártebe bolǵanyn aıtqym keledi. Densaýlyǵym syr berip, qyzmetten budan buryn ketýdi oılap júrgenmin. Alaıda kóktemde qalamyzda sý tasqyny bolyp, mundaı qıyn kezeńde jumystan shyǵa almadym. Osylaısha óz mindetterimdi áriptesterimmen birge jalǵastyra berdim, - dep jazdy Satqanov.

Ol ákimdiktegi barlyq salada jumys jolǵa qoıylǵanyn aıtyp ótti.

Jańadan taǵaıyndalatyn qala ákimi aǵymdaǵy jaǵdaıdy jedel túsinip, jumysty júıeli jalǵastyratynyna, al bolashaqta shaharymyz úshin jańa jobalarǵa bastamashy bolatynyna senemin, - dep jazdy ol.

Mırjan Satqanov qala ákimi qyzmetin 2022 jyldyń sáýirinen bastap atqardy.