ورال اكىمى ميرجان ساتقانوۆ قىزمەتىنەن كەتتى. بۇل تۋرالى اكىم ءوزىنىڭ جەكە پاراقشاسىندا جازدى، دەپ حابارلايدى Dalanews.kz.
ايتۋىنشا، مۇنداي شەشىم قابىلداۋىنا دەنساۋلىعى اسەر ەتكەن.
مەن ءۇشىن بۇل قىزمەتتە ەكى جىلدان استام ورالدىقتارمەن قويان-قولتىق جۇمىس ىستەۋ ۇلكەن مارتەبە بولعانىن ايتقىم كەلەدى. دەنساۋلىعىم سىر بەرىپ، قىزمەتتەن بۇدان بۇرىن كەتۋدى ويلاپ جۇرگەنمىن. الايدا كوكتەمدە قالامىزدا سۋ تاسقىنى بولىپ، مۇنداي قيىن كەزەڭدە جۇمىستان شىعا المادىم. وسىلايشا ءوز مىندەتتەرىمدى ارىپتەستەرىممەن بىرگە جالعاستىرا بەردىم، - دەپ جازدى ساتقانوۆ.
ول اكىمدىكتەگى بارلىق سالادا جۇمىس جولعا قويىلعانىن ايتىپ ءوتتى.
جاڭادان تاعايىندالاتىن قالا اكىمى اعىمداعى جاعدايدى جەدەل ءتۇسىنىپ، جۇمىستى جۇيەلى جالعاستىراتىنىنا، ال بولاشاقتا شاھارىمىز ءۇشىن جاڭا جوبالارعا باستاماشى بولاتىنىنا سەنەمىن، - دەپ جازدى ول.
ميرجان ساتقانوۆ قالا اكىمى قىزمەتىن 2022 جىلدىڭ ساۋىرىنەن باستاپ اتقاردى.
