Oqýshylar jańalyq ashty
Osylaisha olar kúndelikti qoldanystaǵy kómir, elektr, suiyq otynnyń ornyn jańa ónimmen almastyrdy. Qos shákirt óz jańalyqtaryn kópshilikpen jalpy bilim beretin pánder boiynsha respýblikalyq ǵylymi jobalar saiysynda bólisti.
Almaty qalasynda ótken saiys «Daryn» respýblikalyq ǵylymi-praktikalyq ortalyǵy uiymdastyrýymen ótti. 4 baǵyt boiynsha ótkizilgen saiystyń sońǵy kezeńine 700-den astam oqýshy qatysyp, 592 ǵylymi jumystar kórsetildi.
– Biz «Jartylai ótkizgishterdi turmysta qoldaný» taqyrybyndaǵy jobamen sońǵy bir jarym jyldan beri fizika pániniń muǵalimi Zamira Mamadilovanyń jetekshiligimen ainalystyq. Respýblikalyq saiysta osy jobany otandyq fizika salasynyń ǵalymdary aldynda dáleldep, sátti qorǵadyq. Qazir álem nazary bolashaqtyń energiiasyna aýyp otyr. Demek, bizdiń joba eń ózekti máseleniń jańa bir sheshimin tapty desek artyq aitpaimyz. Endigi josparymyz osy jobamyzdy jetildirip, iske qosý, iaǵni qoldanysqa engizý, – deidi qos shákirtter.
Óndiriske tyń jańalyq engizýge talpynǵan Nurjan men Jansaianyń jańalyǵy ádilqazylar alqasy tarapynan joǵary baǵalanyp, respýblikalyq saiystyń 2-shi dárejeli diplomymen kúmis medal tabystaldy.
Semei qalasyndaǵy fizika-matematika baǵytyndaǵy Nazarbaev ziiatkerlik mektebiniń baspasóz qyzmeti
