Oqýlyq daýy. Bekbolat Tileýhan nege ant-sý ishkendei boldy?
Mektep oqýlyqtary tóńiregindegi daý órshimese basylatyn túri joq. Ásirese, kitap betterinde órip júrgen qate, túsiniksiz tapsyrma oqýshylar men ata-analardy ábden mezi etken. Ol azdai, oqýlyqty retteýi tiis komissiia músheleri mektep baǵdarlamasynan taǵy da shikilip taýyp otyr.
Óz kezeginde Májilis depýtaty Bekbolat Tileýhan:
– Qazaq tili men ádebietti nege biriktirip jibergen? Geometriia men algerbrany biriktirýge bolmaityn siiaqty til degen grammatika, ádebiet hristomatiialyq negizde. Ol nege biriktirilgen? Qate. Sosyn myna qazaq ádebietine eńbek jáne klimattyq jaǵdai degenniń qandai qajeti bar?
Mundai qatelerdi túzetý úshin komissiia músheleri oqýlyqty daiyndaý júiesin túbegeili ózgertý qajet. Iaǵni, kitap ázirleýdi qazirgidei básekeles ortaǵa bermeý kerek. Óitkeni, baspamen ainalysatyn biznesmender aqsha tabýdy ǵana kózdep, oqýlyqtyń mazmundyq sapasyna salǵyrt qaraidy. Biraq, mundai usynys Bilim vitse-ministrine unamai qalǵan sekildi. Tipti, Elmira Sýhanberdieva sóz arasynda Tileýhandy kózge túskisi keletin «popýlist» dep aityp qaldy.
– Popýlizm emes, Elmira. Bul janymnyń aýyrǵan nársesi. Popýlizm emes. Ýaallahi popýlizm emes. Qudaidyń atymen ant eteiin popýlizm emes, – dep Bekbolat Tileýhan vitse-ministrdiń aldynda ant-sý ishkendei boldy.
– Beke biz ony alyp tastydyq qoi.
– Alyp tastaǵan joqsyzdar! Sóz bólmeńizder.
Budan keiin de depýtat pen vitse-ministr birazǵa deiin daýlasty. Ózin «popýlist» degenge qatty renjise kerek, Tileýhan jiyn sońynda sheneýniktiń taǵy betin qaitaryp tastady.
– Bekbolat Tileýhan myrzaǵa alǵys aitqym keledi. Nege deseńizder, qanshama osyndai pándik komissiianyń ishinde depýtat bar qatysqany bireý ǵana. Ol Bekeń. Osy kisi ǵana bizge kómektesip jatyr.
– Kómektesip jatqanym joq men qarsymyn. Men buǵan kómektespeimin. Qudai buǵan kómektesip, urpaqtyń qarǵysyna qalýdan saqtasyn, – dedi.
Osylaisha, mektep oqýlyqtaryn retteýi tiis komissiianyń alǵashqy otyrysy aiǵai shýmen aiaqtaldy. Endi olar elimizdegi barlyq baspalardyń kitabyn tekserip, mektep baǵdarlamasyna sáikestigin tekserip shyǵýy tiis. Sóitip, oqýlyqtaǵy olqylyqtar túzeledi degen úmit bar.
