OQO men Birikken Arab Ámirlikteriniń saýda-ekonomikalyq bailanysy nyǵaia túspek
Kezdesý barysynda ekijaqty qarym-qatynas pen birlesken jobalardy iske asyrý barysy talqylandy. Atap aitqanda, Ámirlik kásipkerleri Shymkentten qant zaýytyn salýǵa usynys bildirip otyr. Sonymen qatar ońtústikten turaqty túrde tiri qoi satyp alýǵa nietti. Qos tarap kezdesýde «Shymkent – Shardja – Shymkent» baǵytynda áýe reiisin ashý jaiyn da talqylady.
«Búginde eki el arasyndaǵy investitsiialyq tartymdylyq joǵary deńgeide. Osyny eskere otyryp, Birikken Arab Ámirlikteri Ońtústik Qazaqstan oblysynan qant zaýytyn salý jónindegi usynysy óz kúshinde ekenin aita ketkim keledi. Sondai-aq arab eli ózge de salalarda qarym-qatynasty nyǵaitýdy josparlap otyr», - dedi ókiletti elshi.
Janseiit Qanseiituly óz kezeginde Birikken Arab Ámirlikteri tarapynan jasalǵan investitsiialyq usynystardy tolyǵymen qoldaitynyn jetkizdi. Óńir basshysy BAÁ-niń iri saýda ortalyqtarynan ońtústik ónimderin satatyn bólimder ashý máselesin de qozǵady.
– Ońtústik Qazaqstan oblysy ákimdigi men Birikken Arab Ámirlikteri arasyndaǵy bailanys budan ári nyǵaia beredi degen senim mol. Bul rette birlese qolǵa alynyp otyrǵan jobalardy neǵurlym qysqa merzimde iske asyrý mańyzdy, – dedi oblys ákimi Janseiit Túimebaev.
Kezdesý sońynda elshi Ońtústik Qazaqstan oblysy men Shardja arasynda baýyrlastyq-yntymaqtastyq qarym-qatynas ornatýdy maqsatynda ońtústik delegatsiiasyn qonaqqa shaqyrdy.
Aita keteiik, Shardja – BAÁ-niń mádeni astanasy sanalady. Aýmaǵy 2600 sharshy shaqyrymdy quraidy. Halqy shamamen 464 myń. Shardja barlyq soltústik ámirlikterdiń áleýmettik-ekonomikalyq damýynda basty róldi atqarady.
OQO ákiminiń baspasóz qyzmeti
