بىرىككەن اراب امىرلىگى وڭتۇستىك قازاقستان وبلىسىمەن ساۋدا-ەكونوميكالىق  ىنتىماقتاستىقتى ارتتىرعىسى كەلەدى. بۇل تۋرالى وڭتۇستىك قازاقستان وبلىسىنىڭ اكىمى جانسەيىت تۇيمەبايەۆپەن كەزدەسۋىندە  بىرىككەن اراب امىرلىكتەرىندەگى قازاقستاننىڭ توتەنشە جانە وكىلەتتى ەلشىسى قايرات لاما شاريف ءمالىم ەتتى.

كەزدەسۋ بارىسىندا ەكىجاقتى  قارىم-قاتىناس پەن  بىرلەسكەن جوبالاردى  ىسكە اسىرۋ بارىسى تالقىلاندى. اتاپ ايتقاندا، امىرلىك  كاسىپكەرلەرى  شىمكەنتتەن قانت زاۋىتىن سالۋعا ۇسىنىس ءبىلدىرىپ وتىر. سونىمەن قاتار  وڭتۇستىكتەن تۇراقتى تۇردە  ءتىرى قوي ساتىپ الۋعا نيەتتى.  قوس تاراپ كەزدەسۋدە  «شىمكەنت – شاردجا – شىمكەنت» باعىتىندا اۋە رەيىسىن اشۋ جايىن دا تالقىلادى.

«بۇگىندە ەكى ەل اراسىنداعى ينۆەستيسيالىق تارتىمدىلىق جوعارى دەڭگەيدە. وسىنى ەسكەرە وتىرىپ، بىرىككەن اراب امىرلىكتەرى وڭتۇستىك قازاقستان وبلىسىنان قانت زاۋىتىن سالۋ جونىندەگى ۇسىنىسى ءوز كۇشىندە ەكەنىن ايتا كەتكىم كەلەدى. سونداي-اق اراب ەلى وزگە دە سالالاردا قارىم-قاتىناستى نىعايتۋدى جوسپارلاپ وتىر»، - دەدى وكىلەتتى ەلشى.

جانسەيىت قانسەيىت ۇلى ءوز كەزەگىندە بىرىككەن اراب امىرلىكتەرى تاراپىنان جاسالعان ينۆەستيسيالىق ۇسىنىستاردى تولىعىمەن قولدايتىنىن جەتكىزدى. ءوڭىر باسشىسى  ءباا-نىڭ  ءىرى ساۋدا ورتالىقتارىنان  وڭتۇستىك ونىمدەرىن ساتاتىن بولىمدەر اشۋ ماسەلەسىن دە قوزعادى.

– وڭتۇستىك قازاقستان وبلىسى اكىمدىگى مەن بىرىككەن اراب امىرلىكتەرى اراسىنداعى  بايلانىس بۇدان ءارى نىعايا بەرەدى دەگەن سەنىم مول. بۇل رەتتە بىرلەسە قولعا الىنىپ وتىرعان جوبالاردى نەعۇرلىم قىسقا مەرزىمدە ىسكە اسىرۋ ماڭىزدى، – دەدى وبلىس اكىمى جانسەيىت تۇيمەبايەۆ.

كەزدەسۋ سوڭىندا ەلشى وڭتۇستىك قازاقستان وبلىسى مەن شاردجا اراسىندا باۋىرلاستىق-ىنتىماقتاستىق قارىم-قاتىناس ورناتۋدى ماقساتىندا   وڭتۇستىك دەلەگاسياسىن قوناققا شاقىردى.

ايتا كەتەيىك، شاردجا – ءباا-نىڭ   مادەني استاناسى  سانالادى. اۋماعى 2600 شارشى شاقىرىمدى قۇرايدى. حالقى شامامەن 464 مىڭ. شاردجا بارلىق سولتۇستىك امىرلىكتەردىڭ الەۋمەتتىك-ەكونوميكالىق دامۋىندا باستى ءرولدى اتقارادى.

 

 

 

وقو اكىمىنىڭ باسپا ءسوز قىزمەتى