Meksikada quqyq qorǵaý organdary Los-Reies esirtki karteliniń jetekshisi, Poncho laqapatymen belgili Alfonso Fernandes Magallondy ustady, dep habarlaidy dalanews.kz.
Arnaiy operatsiiany Meksikanyń qurlyqtaǵy kúshteri júrgizgen. Buǵan deiin AQSh biligi Magallondy ustaýǵa kómektesetin aqparat úshin 5 million dollarǵa deiin syiaqy jariialaǵan edi.
Roya News basylymynyń jazýynsha, Alfonso Fernandes Magallon - AQSh-ta eń kóp izdeýde bolǵan qashqyndardyń biri.
Ol adam urlaý, esirtki óndirý jáne esirtki tasymaldaýǵa qatysty qylmystar boiynsha aiyptalyp otyr. Sonymen qatar, keibir málimetke sáikes onyń 2025 jáne 2026 jyldary Meksika áskerine jasalǵan dron shabýyldaryna da qatysy bar bolýy múmkin.
Kartel jetekshisi ustalǵannan keiin Los Reyes músheleri Michoakan shtatyndaǵy birneshe joldy jaýyp, barrikadalar ornatqan jáne ondaǵan kólikti órtegen. Qazir óńirde qaýipsizdik sharalary kúsheitilip, qosymsha áskeri kúsh jumyldyrylǵan.
