Ońtústiktiń jergilikti biýdjettiń kiristeri 17,4 paiyzǵa artqan
Onyń aitýynsha, oblys boiynsha 2017 jyly memlekettik biýdjettiń kirister jospary 102,1 paiyzǵa oryndalyp, jospardan tys 6,5 mlrd. teńge qosymsha kirister túsken. Sondai-aq, byltyr respýblikalyq biýdjet 101,3 paiyzǵa oryndalyp, 2,5 mlrd. teńge artyq túsip otyr.
Budan bólek, QR Úkimetimen bekitilgen Jekeshelendirýdiń 2016-2020 jyldarǵa arnalǵan Keshendi josparyna sáikes, oblystyq jáne aýdandyq, qalalyq kommýnaldyq menshiktegi 21 nysannyń 13-i elektrondy saýda-sattyqqa qoiylyp, onyń 10-y jalpy 557,63 mln. teńgege satylǵan.
– Segiz nysan elektrondy satylymǵa shyǵarylyp, onyń 7-i keiinnen satyp alý quqyǵymen senimgerlik basqarýǵa jalpy 12183,7 mln.teńgege berildi. Oblystyq kommýnaldyq múlikti satý boiynsha byltyr 2016 jylmen salystyrǵanda jergilikti biýdjetke 204 mln.teńge artyq túsken, – dedi Abdrahman Batyrbekuly.
Elbasy N.Á. Nazarbaevtyń 2017 jyly sáýir aiynda oblysqa jasaǵan sapary kezindegi tapsyrmasyna sáikes, salyq salý bazasyn keńeitýge jáne jergilikti biýdjetterdiń túsimderin ulǵaitý boiynsha taldaý jumystary júrgizilip, oblys biýdjeti qosymsha 16,8 mlrd.teńgege ulǵaitylyp, jalpy 124,4 mlrd.teńgeni qurady.
Aita keterligi, ótken jyly biýdjet shyǵystarynyń 62,8 paiyzy áleýmettik salaǵa baǵyttalǵan. Máselen 2016 jylmen salystyrǵanda bilim berý salasyna bólinetin qarjy – 23 mlrd. teńgege, áleýmettik kómek jáne áleýmettik qamsyzdandyrýǵa – 13,2 mlrd. teńge, mádeniet, sport, týrizm jáne aqparattyq keńistik salasyna qaralatyn qarjy – 7 mlrd.teńgege artyp otyr.
2017 jyldyń qorytyndysy boiynsha oblystyq kommýnaldyq menshiktegi turǵyn emes jaidy jalǵa berýde 354 kelisim-shart túzilip, naqty biýdjetke 54,7 mln. teńge túsim túsken. Bul 2016 jylmen salystyrǵanda 22,7 mln. teńgege artqandyǵyn kórsetip otyr.
OQO ákiminiń baspasóz qyzmeti
