ونىڭ ايتۋىنشا، وبلىس بويىنشا 2017 جىلى مەملەكەتتىك بيۋدجەتتىڭ كىرىستەر جوسپارى 102،1 پايىزعا ورىندالىپ، جوسپاردان تىس 6،5 ملرد. تەڭگە قوسىمشا كىرىستەر تۇسكەن. سونداي-اق، بىلتىر رەسپۋبليكالىق بيۋدجەت 101،3 پايىزعا ورىندالىپ، 2،5 ملرد. تەڭگە ارتىق ءتۇسىپ وتىر.
بۇدان بولەك، ق ر ۇكىمەتىمەن بەكىتىلگەن جەكەشەلەندىرۋدىڭ 2016-2020 جىلدارعا ارنالعان كەشەندى جوسپارىنا سايكەس، وبلىستىق جانە اۋداندىق، قالالىق كوممۋنالدىق مەنشىكتەگى 21 نىساننىڭ 13ء-ى ەلەكتروندى ساۋدا-ساتتىققا قويىلىپ، ونىڭ 10-ى جالپى 557،63 ملن. تەڭگەگە ساتىلعان.
– سەگىز نىسان ەلەكتروندى ساتىلىمعا شىعارىلىپ، ونىڭ 7ء-ى كەيىننەن ساتىپ الۋ قۇقىعىمەن سەنىمگەرلىك باسقارۋعا جالپى 12183،7 ملن.تەڭگەگە بەرىلدى. وبلىستىق كوممۋنالدىق مۇلىكتى ساتۋ بويىنشا بىلتىر 2016 جىلمەن سالىستىرعاندا جەرگىلىكتى بيۋدجەتكە 204 ملن.تەڭگە ارتىق تۇسكەن، – دەدى ابدراحمان باتىربەك ۇلى.
ەلباسى ن.ءا. نازاربايەۆتىڭ 2017 جىلى ءساۋىر ايىندا وبلىسقا جاساعان ساپارى كەزىندەگى تاپسىرماسىنا سايكەس، سالىق سالۋ بازاسىن كەڭەيتۋگە جانە جەرگىلىكتى بيۋدجەتتەردىڭ تۇسىمدەرىن ۇلعايتۋ بويىنشا تالداۋ جۇمىستارى جۇرگىزىلىپ، وبلىس بيۋدجەتى قوسىمشا 16،8 ملرد.تەڭگەگە ۇلعايتىلىپ، جالپى 124،4 ملرد.تەڭگەنى قۇرادى.
ايتا كەتەرلىگى، وتكەن جىلى بيۋدجەت شىعىستارىنىڭ 62،8 پايىزى الەۋمەتتىك سالاعا باعىتتالعان. ماسەلەن 2016 جىلمەن سالىستىرعاندا ءبىلىم بەرۋ سالاسىنا بولىنەتىن قارجى – 23 ملرد. تەڭگەگە، الەۋمەتتىك كومەك جانە الەۋمەتتىك قامسىزداندىرۋعا – 13،2 ملرد. تەڭگە، مادەنيەت، سپورت، تۋريزم جانە اقپاراتتىق كەڭىستiك سالاسىنا قارالاتىن قارجى – 7 ملرد.تەڭگەگە ارتىپ وتىر.
2017 جىلدىڭ قورىتىندىسى بويىنشا وبلىستىق كوممۋنالدىق مەنشىكتەگى تۇرعىن ەمەس جايدى جالعا بەرۋدە 354 كەلىسىم-شارت ءتۇزىلىپ، ناقتى بيۋدجەتكە 54،7 ملن. تەڭگە ءتۇسىم تۇسكەن. بۇل 2016 جىلمەن سالىستىرعاندا 22،7 ملن. تەڭگەگە ارتقاندىعىن كورسەتىپ وتىر.
وقو اكىمىنىڭ باسپا ءسوز قىزمەتى
