Óz kezeginde sóz alǵan kompaniia basshysy búginde el aýmaǵynda 40 myń sharýa qojalyǵy energiia kózderine qol jetkize almai otyrǵanyna toqtaldy. Osy rette ol jel generatorlaryn ornatý – utymdy dep esepteidi.
– Tree Energy kompaniiasy búginde balamaly energiia kózderin izdeý men óndirýde sátti jumys atqaryp keledi. Munyń bári el aýmaǵyndaǵy kún men jeldiń múmkindigin qoldanyp kórý ideiasynan týyndaǵan bolatyn. Alǵashqy qoldanysty garajda iske asyryp kórdik. Búgingi tańda ne Reseide, ne Orta Aziiada balamasy joq biregei jel generatoryn zaýytta óndirý deńgeiine jetip otyrmyz, – dedi Janbolat Muzbaev.
Búginde balamaly energiia kózderi ǵylymi ortada úlken qyzyǵýshylyq týǵyzyp otyr. Atap aitqanda, Daniia jel generatorlarynyń kómegimen barlyq elektr qýatynyń 40 paiyzyn óndirse, Portýgaliia 23 paiyzyn, Ispaniia 16, Irlandiia – 14, Germaniia – 8 paiyzyn óndirýge qaýqarly. Al Qazaqstanda nebári 0,5 paiyzdy ǵana quraidy.
Kompaniianyń múmkindikterimen tanysyp shyqqan oblys ákimi jel kúshimen óndiretin elektr energiiasy qýatyn aýyl sharýashylyǵyna qoldanýdyń tiimdi ekenine toqtaldy.
– Ońtústik Qazaqstanda jel kúshimen alynatyn elektr energiiasy qýatyn keńinen jáne mol óndirýge bolady. Óitkeni bizde úzdiksiz jel soǵyp turatyn aimaqtar barshylyq. Jel energiiasynyń basqa energiia kózderinen ekologiialyq jáne ekonomikalyq artyqshylyqtary kóp. Sondyqtan aldaǵy ýaqytta jel energiiasyn turaqty paidalaný úshin jel energetikasy qondyrǵylaryn basqa energiia kózderimen keshendi túrde ushtastyrý ideiasyn tolyǵymen qoldaimyz, – dedi Janseiit Qanseiituly.
Aita keteiik, Ońtústik Qazaqstanda tabiǵi resýrstardy paidalana otyryp, 207,3 MVt bolatyn balamaly elektr energiiasyn óndiretin 6 joba júzege asyrylýda. Bul jobalar Tólebi, Saryaǵash, Maqtaral, Báidibek, Otyrar aýdandarynda júrgizilýde.
https://dalanews.kz/31328
