«EKSPO-2017» halyqaralyq mamandandyrylǵan kórmesine arnalǵan Ońtústik Qazaqstan oblysynyń mádeniet kúnderi aiasynda Astana turǵyndary men qonaqtaryna Qairat Nurtas, Jubanysh Jeksenuly, Altynai Jorabaeva, Nurlan Ónerbaev, Zattybek Kópbosynuly, Marjan Arapbaeva, Ibragim Eskendir, A.Jailaýbaeva syndy elimizge tanymal estrada juldyzdary ánnen shashý shashty.
EXPO-2017 halyqaralyq mamandandyrylǵan kórmesiniń amfiteatrynda ótken sharaǵa Ońtústik Qazaqstan oblysynyń əkimi Janseiit Túimebaev, «Astana EKSPO-2017» UQ» AQ-y Basqarmasynyń tóraǵasy Ahmetjan Esimov jəne QR Mədeniet jəne sport ministri Arystanbek Muhamediuly, QR Densaýlyq saqtaý ministri Eljan Birtanov, QR din isteri jáne azamattyq qoǵam ministri Nurlan Ermekbaev, Astana qalasy ákiminiń orynbasary Ermek Amanshaev, QR Parlamenti Májilisiniń depýtatttary men ziialy qaýym ókilderi qatysty.
Astana aspanyn sazdy ánge bólegen dýmandy keshti qala turǵyndary men kórmeni tamashalaýǵa kelgen shetel qonaqtary jalpy sany on myńdai halyq tamashalady.
«Tirshiliktiń bastaýy – Qazyǵurt» sazdy-horeografiialyq kompozitsiiasymen bastaý alǵan ónerpazdar keshinde «Qazyna», «Shamsinýr», «Tumar», «Shattyq», «Farab» bi ansamblderi myń buralǵan bilerimen kórermenderdi tamsandyrdy.
Gala-kontserttiń sońynda «Astana EKSPO-2017» Ulttyq Kompaniiasy» Aktsionerlik Qoǵamy Basqarmasynyń Tóraǵasy Ahmetjan Smaǵululynyń, Ońtústik Qazaqstan oblysynyń ákimi Janseiit Qanseiitulynyń, Astana qalasy ákimi Áset Órentaiulynyń atynan yqylas gúlderi usynyldy.
OQO ákiminiń baspasóz qyzmeti
