«ەكسپو-2017» حالىقارالىق مامانداندىرىلعان كورمەسىنە ارنالعان وڭتۇستىك قازاقستان وبلىسىنىڭ مادەنيەت كۇندەرى اياسىندا استانا تۇرعىندارى مەن قوناقتارىنا قايرات نۇرتاس، جۇبانىش جەكسەن ۇلى، التىناي جورابايەۆا، نۇرلان ونەربايەۆ، زاتتىبەك كوپبوسىن ۇلى، مارجان اراپبايەۆا، يبراگيم ەسكەندىر، ا.جايلاۋبايەۆا سىندى ەلىمىزگە تانىمال ەسترادا جۇلدىزدارى اننەن شاشۋ شاشتى.
EXPO-2017 حالىقارالىق مامانداندىرىلعان كورمەسىنىڭ امفيتەاترىندا وتكەن شاراعا وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ، «استانا ەكسپو-2017» ۇق» اق-ى باسقارماسىنىڭ ءتوراعاسى احمەتجان ەسىموۆ جانە ق ر مادەنيەت جانە سپورت ءمينيسترى ارىستانبەك مۇحامەدي ۇلى، ق ر دەنساۋلىق ساقتاۋ ءمينيسترى ەلجان ءبىرتانوۆ، ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ، استانا قالاسى اكىمىنىڭ ورىنباسارى ەرمەك امانشايەۆ، ق ر پارلامەنتى ءماجىلىسىنىڭ دەپۋتاتتتارى مەن زيالى قاۋىم وكىلدەرى قاتىستى.
استانا اسپانىن سازدى انگە بولەگەن دۋماندى كەشتى قالا تۇرعىندارى مەن كورمەنى تاماشالاۋعا كەلگەن شەتەل قوناقتارى جالپى سانى ون مىڭداي حالىق تاماشالادى.
«تىرشىلىكتىڭ باستاۋى – قازىعۇرت» سازدى-حورەوگرافيالىق كومپوزيسياسىمەن باستاۋ العان ونەرپازدار كەشىندە «قازىنا»، «شامسينۋر»، «تۇمار»، «شاتتىق»، «فاراب» بي انسامبلدەرى مىڭ بۇرالعان بيلەرىمەن كورەرمەندەردى تامساندىردى.
گالا-كونسەرتتىڭ سوڭىندا «استانا ەكسپو-2017» ۇلتتىق كومپانياسى» اكسيونەرلىك قوعامى باسقارماسىنىڭ ءتوراعاسى احمەتجان سماعۇل ۇلىنىڭ، وڭتۇستىك قازاقستان وبلىسىنىڭ اكىمى جانسەيىت قانسەيىت ۇلىنىڭ، استانا قالاسى اكىمى اسەت ورەنتاي ۇلىنىڭ اتىنان ىقىلاس گۇلدەرى ۇسىنىلدى.
وقو اكىمىنىڭ باسپا ءسوز قىزمەتى
