Ońtústiktegi shyny zaýyt kómirqyshqyl gazyn óndirmek
Barshaǵa belgili, búginde «Evrokristall» seriktestigi shyny ydystar shyǵarý isimen tanymal. Ondaǵy óndiriletin ónimderdi alkogoldik jáne gazdalǵan sýsyndar men shyryndar, sút pen dári-dármekter shyǵaratyn zaýyttar qoldanýǵa múddeli. Munda túrli qalypta – 200 ml-den 3 litrge deiingi tússiz jáne jasyl tústi bótelkeler men qutylar ázirlenedi. Osynaý ónimderge Qazaqstannyń barlyq aimaǵy men Qyrǵyzstannan tapsyrystar kelip túsýde.
Eske sala ketsek, «Ońtústik» indýstrialdy aimaǵynan ashylǵan shyny ydystar shyǵarýshy zaýyt tarihy 2014 jyldan bastaý alady. Sol kezde jylyna 70 mln. bótelke shyny ydystaryn óndirýge qaýqarly zaýyttyń I kezeńi jumysyn bastaǵan bolatyn. 2016 jyly óndiristiń II kezeńi iske qosylyp, bir jyldaǵy jalpy qýattylyq 200 mln. bótelkege shyqty.
Aita ketý kerek, shyny ydystar óndiretin zaýytta álemniń jetekshi óndirýshileriniń (Haie (Germaniia), Sanjin (Qytai), Emhart (Shveitsariia) zamanaýi qurylǵylary ornatylǵan. Olardyń ereksheligi sol, baqylaýshy máshineler óndirilgen ónimderdi muqiiat tekserip, synǵan jáne aqaýy bar ydystardy anyqtap, óndiriske keri qaitarady. Sonymen birge, onda shyny ónimderdi qabyldaý men joiý protsesteri avtomattandyrylǵan.
Áinekterdi óndirý jumysynda elimizdiń jer qoinaýynan alynatyn kvarts qumdary men dala shpaty, dolomit, áktas, bor, mikrokaltsit syndy shikizattar qoldanylady. Qalǵan shikizattardy zaýyt basshyly shetelden aldyrady.
OQO ákiminiń baspasóz qyzmeti
