Ońtústikte investorlar eki kún elektr stansasyn salady
Kezdesýde sheteldik kásipkerlerdiń jobasymen tanysqan oblys basshysy aimaqtyń ekonomikalyq áleýetin baiandap, investorlarǵa memleket tarapynan kórsetiletin jeńildikterdi atap ótti.
– Úsh millionǵa jýyq halqy bar óńir úshin bul joba óte qajet jáne óte tiimdi. Sebebi, biz elektr energiiasynyń 65 paiyzyn syrttan tasymaldap otyrmyz. Óńir turǵyndarynyń qajettiligi jaz ailarynda 350-370 MVt bolsa, qys mezgilinde 450-480 MVt elektr energiiasyn tutynamyz. Sondyqtan da biz qajettilikti ózimizde óndirý úshin osy syndy jobalardy júzege asyrýymyz qajet. Buǵan óńirdiń tabiǵaty kún sáýlesinen elektr jaryǵyn óndirýge óte qolaily, – dedi ákim.
Maqtaaral aýdanynda eki kún elektr stansasy men asfalt-beton zaýytyn salýdy qolǵa alyp jatqanyn aitqan sheteldik kásipkerler jergilikti bilik tiisti qujattardy rásimdeýde qolaily jaǵdai jasaǵanyn jetkizdi.
Salynatyn kún elektr stansasy jobasyna germaniialyq NwComp Solar GmbH kompaniiasy 7 mln eýro investitsiia quiyp otyrǵanyn aitqan «Kompaniia KADI» JShS-niń bas direktory Murat Davreshov kompaniia Qazaqstanda birqatar jobalardy júzege asyrǵanyn málim etti.
Jetisai qalasynyń qoqys poligony aýmaǵynda salynatyn elektr stansasynyń qýattylyǵy 4,8 MVt. Búgingi tańda ruqsat berý qujattamalary ázirlenip, qurylys jumystary osy jyldyń qarasha aiynda bastalady dep josparlanýda.
Ekinshi jobanyń investory gollandiialyq VTK Investments B.V kompaniiasy bolyp tabylady. Aýdannan 100 MVt kún elektr stansasyn salý boiynsha eki jaqty memorandýmǵa qol qoiylǵan bolsa, búginde 300 ga jer bólý úshin tiisti jumystar júrgizilýde. Joba quny 150 mln eýro.
Búgingi tańda investor Tailan Karamanli osy syndy jobany Aqmola oblysynda júzege asyrýda.
OQO ákiminiń baspasóz qyzmeti
