Reseidiń Kemerova qalasyndaǵy iri saýda - oiyn saýyq ortalyǵynda oryn alǵan órt oqiǵasynan keiin QR Bas prokýratýrasy Ishki ister ministrligine 3 ai merziminde halyq kóp shoǵyrlanatyn nysandarda tótenshe jaǵdaiǵa qatysty talaptardyń saqtalýyn qadaǵalap, tekseris júrgizýdi tapsyrǵan.
Bul týraly Óńirlik kommýnikatsiialar qyzmetinde ótken baspasóz jinynda OQO Tótenshe jaǵdailar departamenti bastyǵynyń orynbasary azamattyq qorǵaý polkovnigi N.Júnisov málimdedi.
Onyń sózinshe, búginde Bas prokýratýranyń tapsyrmasyna sáikes Shymkent qalasyndaǵy birqatar iri oiyn-saýyq saýda oryndarynda tekserý jumystary ǵana emes, sonymen qatar órt - taktikalyq oqý - jattyǵý júrgizip úlgergen.
«2018 jyldyń I toqsanynda kestege sáikes halyq kóp jinalatyn nysandarda 5 oqý jattyǵý jiyny ótkizildi. Onyń ishinde «Shymkent Plaza» jáne «Mega Planet» saýda oiyn - saýyq ortalyqtary bar. Al, ótken jyly osyndai 21 is-shara uiymdastyryldy. Olardyń qatarynda bazarlar da qamtyldy» – dedi Nurǵali Júnisov.
Aita keteiik, OQO Tótenshe jaǵdailar departamenti oblys aýmaǵynda 13679 jeke kásipkerlik nysandy esepke alǵan. Onyń ishinde 1793-i Kásipkerlik kodeksine sáikes jyl saiyn tekseriletin táýekel dárejesi joǵary toptaǵy obektiler qataryna kiredi. OQO ákiminiń baspasóz qyzmeti
