رەسەيدىڭ كەمەروۆا قالاسىنداعى ءىرى ساۋدا - ويىن ساۋىق ورتالىعىندا ورىن العان ءورت وقيعاسىنان كەيىن ق ر باس پروكۋراتۋراسى ىشكى ىستەر مينيسترلىگىنە 3 اي مەرزىمىندە حالىق كوپ شوعىرلاناتىن نىسانداردا توتەنشە جاعدايعا قاتىستى تالاپتاردىڭ ساقتالۋىن قاداعالاپ، تەكسەرىس جۇرگىزۋدى تاپسىرعان.
بۇل تۋرالى وڭىرلىك كوممۋنيكاسيالار قىزمەتىندە وتكەن باسپا ءسوز جينىندا وقو توتەنشە جاعدايلار دەپارتامەنتى باستىعىنىڭ ورىنباسارى ازاماتتىق قورعاۋ پولكوۆنيگى ن.ءجۇنىسوۆ مالىمدەدى.
ونىڭ سوزىنشە، بۇگىندە باس پروكۋراتۋرانىڭ تاپسىرماسىنا سايكەس شىمكەنت قالاسىنداعى ءبىرقاتار ءىرى ويىن-ساۋىق ساۋدا ورىندارىندا تەكسەرۋ جۇمىستارى عانا ەمەس، سونىمەن قاتار ءورت - تاكتيكالىق وقۋ - جاتتىعۋ جۇرگىزىپ ۇلگەرگەن.
«2018 جىلدىڭ ءى توقسانىندا كەستەگە سايكەس حالىق كوپ جينالاتىن نىسانداردا 5 وقۋ جاتتىعۋ جيىنى وتكىزىلدى. ونىڭ ىشىندە «Shymkent Plaza» جانە «Mega Planet» ساۋدا ويىن - ساۋىق ورتالىقتارى بار. ال، وتكەن جىلى وسىنداي 21 ءىس-شارا ۇيىمداستىرىلدى. ولاردىڭ قاتارىندا بازارلار دا قامتىلدى» – دەدى نۇرعالي ءجۇنىسوۆ.
ايتا كەتەيىك، وقو توتەنشە جاعدايلار دەپارتامەنتى وبلىس اۋماعىندا 13679 جەكە كاسىپكەرلىك نىساندى ەسەپكە العان. ونىڭ ىشىندە 1793ء-ى كاسىپكەرلىك كودەكسىنە سايكەس جىل سايىن تەكسەرىلەتىن تاۋەكەل دارەجەسى جوعارى توپتاعى وبەكتىلەر قاتارىنا كىرەدى. وقو اكىمىنىڭ باسپا ءسوز قىزمەتى
