Ońtústikte sý qoimalarynyń jai-kúii talqylandy
Oblystyq tótenshe jaǵdailar departamentiniń basshysy N. Derbisovtiń aitýynsha, oblys aýmaǵynda jalpy 43 sý qoimasy bar. Onyń 20-sy respýblikalyq, 18-i oblystyq jáne aýdandyq kommýnaldyq, 5-i jekemenshik sanalady.
– Qoimalardyń 90 paiyzynyń qurylysy 1941-1990 jyldary aralyǵynda salynyp, paidalanýǵa berilgen. Iaǵni, sońǵy qurylystyń salynǵanyn esepke alǵanda 25 pen 80 jyl aralyǵynda úzdiksiz paidalanylyp keledi. 2017 jylǵy qazan-qarasha ailarynda oblys aýmaǵynda ornalasqan barlyq sý qoimalardyń menshik túrine qaramastan aǵymdaǵy jaǵdaiyn anyqtaý maqsatynda oblystyq quzyrly mekemelerden qurylǵan komissiia vizýaldy zertteý jumystaryn júrgizdi, – dedi Nurbolat Derbisov.
Basqarma basshysynyń aitýynsha, birqatar sý qoimalary elektr jaryǵymen, bailanys quralymen, arnaiy kúzetpen, beine baqylaýmen tolyqtai qamtamasyz etilýi kerek.
Jiyndy qorytqan óńir basshysy sý qoimalaryna qatysty olqylyqtardyń ornyn toltyrý maqsatynda aýdan, qala ákimderi men tiisti mekeme basshylaryna naqty tapsyrmalar berdi.
– Kóktemgi sý tasqynynyń oryn alýyna kóbinde sý qoimalarynyń materialdyq-tehnikalyq jaǵdailary men mekemdigi sep bolady. Osy jaidy eskersek, óńirimizdegi 43 sý qoimasynyń qaýipsizdik sharalaryn kúsheitýdi tapsyramyn. Arnaiy komissiia anyqtaǵan olqylyqtar tolyǵymen oryndalyp, qajetti qural-jabdyqtar men qamtamasyz etilýi qajet. Bul rette tiisti mekeme basshylary aýdan, qala ákimderimen tyǵyz bailanysta jumys isteýi tiis, – dedi Janseiit Qanseiituly.
OQO ákiminiń baspasóz qyzmeti
