وڭتٷستٸكتە سۋ قويمالارىنىڭ جاي-كٷيٸ تالقىلاندى
وبلىستىق تٶتەنشە جاعدايلار دەپارتامەنتٸنٸڭ باسشىسى ن. دەربٸسوۆتٸڭ ايتۋىنشا, وبلىس اۋماعىندا جالپى 43 سۋ قويماسى بار. ونىڭ 20-سى رەسپۋبليكالىق, 18-ٸ وبلىستىق جەنە اۋداندىق كوممۋنالدىق, 5-ٸ جەكەمەنشٸك سانالادى.
– قويمالاردىڭ 90 پايىزىنىڭ قۇرىلىسى 1941-1990 جىلدارى ارالىعىندا سالىنىپ, پايدالانۋعا بەرٸلگەن. ياعني, سوڭعى قۇرىلىستىڭ سالىنعانىن ەسەپكە العاندا 25 پەن 80 جىل ارالىعىندا ٷزدٸكسٸز پايدالانىلىپ كەلەدٸ. 2017 جىلعى قازان-قاراشا ايلارىندا وبلىس اۋماعىندا ورنالاسقان بارلىق سۋ قويمالاردىڭ مەنشٸك تٷرٸنە قاراماستان اعىمداعى جاعدايىن انىقتاۋ ماقساتىندا وبلىستىق قۇزىرلى مەكەمەلەردەن قۇرىلعان كوميسسييا ۆيزۋالدى زەرتتەۋ جۇمىستارىن جٷرگٸزدٸ, – دەدٸ نۇربولات دەربٸسوۆ.
باسقارما باسشىسىنىڭ ايتۋىنشا, بٸرقاتار سۋ قويمالارى ەلەكتر جارىعىمەن, بايلانىس قۇرالىمەن, ارنايى كٷزەتپەن, بەينە باقىلاۋمەن تولىقتاي قامتاماسىز ەتٸلۋٸ كەرەك.
جيىندى قورىتقان ٶڭٸر باسشىسى سۋ قويمالارىنا قاتىستى ولقىلىقتاردىڭ ورنىن تولتىرۋ ماقساتىندا اۋدان, قالا ەكٸمدەرٸ مەن تيٸستٸ مەكەمە باسشىلارىنا ناقتى تاپسىرمالار بەردٸ.
– كٶكتەمگٸ سۋ تاسقىنىنىڭ ورىن الۋىنا كٶبٸندە سۋ قويمالارىنىڭ ماتەريالدىق-تەحنيكالىق جاعدايلارى مەن مەكەمدٸگٸ سەپ بولادى. وسى جايدى ەسكەرسەك, ٶڭٸرٸمٸزدەگٸ 43 سۋ قويماسىنىڭ قاۋٸپسٸزدٸك شارالارىن كٷشەيتۋدٸ تاپسىرامىن. ارنايى كوميسسييا انىقتاعان ولقىلىقتار تولىعىمەن ورىندالىپ, قاجەتتٸ قۇرال-جابدىقتار مەن قامتاماسىز ەتٸلۋٸ قاجەت. بۇل رەتتە تيٸستٸ مەكەمە باسشىلارى اۋدان, قالا ەكٸمدەرٸمەن تىعىز بايلانىستا جۇمىس ٸستەۋٸ تيٸس, – دەدٸ جانسەيٸت قانسەيٸتۇلى.
وقو ەكٸمٸنٸڭ باسپاسٶز قىزمەتٸ
