Ońtústikte «Ontustik Tourism. Invest 2017» forým ótýde
Ońtústik óńirine qosh keldińizder degen oblys ákimi J.Túimebaev Ońtústik Qazaqstan oblysy búgingi tańda myqty ekonomikalyq áleýeti bar, turaqty damyp kele jatqan óńir ekenin atap ótti.
– Aimaq Orta Aziia, Taiaý Shyǵys pen Eýropa elderin bailanystyratyn joldardyń qiylysynda ornalasqan. Nátijesinde – shekaralyq saýda-sattyq pen eksporttyq óndiris órkendep, oblysymyzdyń týristik tartymdylyǵy kóbeiip, tamashalaýǵa kelýshi týrister sany jyl saiyn ósip keledi. Sondai-aq, óńirimizdiń jaǵymdy investitsiialyq imidji qalyptastyrylyp, ulǵaiýda. Máselen, ótken jylmen salystyrǵanda týristik nysandar sany oblysta 31 paiyzǵa ósip, 195-ti qurady. Olarda kórsetilgen qyzmetter kólemi 43 paiyzǵa kóbeiip, 1,7 mlrd.teńgege jetti. Osynyń nátijesinde biyl Ońtústik Qazaqstan oblysyna 128 myń týrist kelse, bul ótken jylmen salystyrǵanda 55 paiyzǵa artqanyn kórsetedi, – dedi J.Túimebaev.
Basqarma basshysynyń aitýynsha, atalǵan festival Almaty qalasynda bastaý alyp, Jambyl oblysynda jalǵasyn taýyp otyr. Odan keiin Ońtústik Qazaqstan oblysynda aiaqtalatyn bolady. Forýmnyń negizgi maqsaty – óńirdegi týristik salanyń damýyndaǵy ózekti máseleler týraly pikir almasý, sondai-aq, Ońtústik Qazaqstan oblysynyń investitsiialyq múmkindikterin tanystyrý, investitsiia tartýǵa qolaily jaǵdai jasaý.
Forýmǵa QHR Týrizm boiynsha vitse-ministri, QR Mádeniet jáne sport vitse-ministri, Týrizm indýstriiasy komitetiniń tóraiymy, «Kazakh tourism» ulttyq kompaniiasynyń tóraǵasy, «Atameken» UKP ókilderi, sonyment qatar, alys jáne jaqyn shet memleketterdiń týrizm salasynyń kásibi mamandary, týristik uiymdar, investitsiialyq kompaniia ókilderi, jalpy 500-ge jýyq adam qatysýda.
Forým aiasynda Ońtústik Qazaqstan oblysyndaǵy týrizm salasy ókilderi men Qytai, Ózbekstan jáne Qazaqstannyń basqa qalalary arasynda 4 memorandýmǵa qol qoiyldy.
Onda eki jaqty áriptestikti nyǵaitý maqsatynda «Ontustik Tourism Center» týristik aqparattyq ortalyǵy qytaidyń «Salem China» kompaniiasymen jáne «Sky Way» týristikkompaniiasymen memorandým túzildi. Budan ózge, Ońtústik Qazaqstan oblystyq kásipkerlik, indýstrialdy-innovatsiialyq damý jáne týrizm basqarmasy men Hatai provintsiiasy arasynda memorandýmǵa qol qoiylsa, «Ontustik Tourism Center» týristik aqparattyq ortalyǵy men Ózbekstannyń týristik ónimin nasihattaý ortalyǵy arasynda eki jaqty memorandým túzildi.
Jalpy alǵanda bul memorandýmdar taraptarǵa óz aimaqtarynyń týrizm ónimderin birge damytyp, infraqurylymyn salýǵa, investitsiia jumyldyrýǵa múmkindik beredi.
Aita keteiik, mundai deńgeidegi is-shara Shymkentte alǵash ret uiymdastyrylyp otyr. Forým óńirdiń týrizm salasyn damytýǵa jáne tájiribe almasýǵa, ózara tiimdi áriptestikti tereńdetýge jáne sheteldik investorlardy tartýǵa baǵyttalǵan.
Aita ketetini, forýmǵa qytai eliniń týristik uiymdary asa qyzyǵýshylyq tanytqanyn baiqadyq. Jalpy Ońtústik Qazaqstan oblysyna biylǵy jyldyń 6 aidyń qorytyndysy boiynsha 128 myń týrist kelgen. Bul kórsetkish byltyrǵy jylmen salystyrǵanda 55 paiyzǵa artyq. Forým óńirdiń týristik jáne investitsiialyq imidjin qalyptastyrýǵa oń áserin tigizetini sózsiz.
Óz kezeginde oblys ákim Ońtústikke kelýshi týristerge qolaily jaǵdai jasaý maqsatynda 1, 2 jáne 3 kúndik týristik marshrýttar ázirlenip, atalǵan marshrýtqa 84 tarihi-mádeni obektiler men tabiǵi oryndar engizilgenin jetkizdi. Sondai-aq, ol «Uly Jibek joly eskertkishteri» atalymy boiynsha 8 eskertkish iaǵni, Saýran, Túrkistan, Sidaq, Qaraspan, Jýantóbe, Kúltóbe, Otyrar, Bórjar eskertkishteri Ońtústik óńirinde ornalasqanyn aitty.
QR Mádeniet jáne sport ministrligi men Ońtústik Qazaqstan oblysy ákimdigi uiymdastyrýymen ótip jatqan is-sharada týrizm salasyndaǵy áleýetti jobalar tanystyrylyp, olardy júzege asyrý joldary talqylanýda. Sala mamandarynyń basy qosylǵan jiynda sonymen birge Uly Jibek jolynda týrizm indýstriiasyn damytýdyń ózekti máseleleri men Jibek joly boiyndaǵy týristik ónimderdi damytý, óńirdiń investitsiialyq múmkindikterin tanystyrý jáne investorlardy tartý jaiy qaralmaq. Sondai-aq, qatysýshylar áleýetti seriktestermen V2V formatynda kezdesýlerge qatysyp, otandyq jáne halyqaralyq deńgeidegi sarapshylarmen suhbattasatyn bolady. Kelýshi qonaqtar sonymen birge Qazaqstannyń Jibek jolyna arnalǵan fotokórme, «Silk Road Fair» týristik jármeńkesin tamashalady.
«Ontustik Tourism. Invest 2017» týristik jáne investitsiialyq forým aiasynda qytailyq delegatsiia Túrkistan qalasyna bardy. Oblys ákimi Janseiit Túimebaev bastaǵan top áýeli ulttyq ónerdi tamashalady. Sheteldik qonaqtar halyqtyq kásip pen qolóner buiymdaryn kórip, qazaq ulttyq ánderine tamsandy. Kóne shahar tarihymen tanysty. Óńir basshysy Túrkistan qalasynyń biylǵy 2017 jyly túrki áleminiń mádeni astanasy atanǵanyn aitty.
– Túrkistan – qasietti ári kóne qalalarymyzdyń biri. Er túriktiń altyn besigi bolǵan Túrkistan buryn qandai mańyzǵa ie bolsa, búgingi tańda da sondai. Irgetasy 15-ǵasyrda qalanǵan kesene halyqaralyq IýNESKO uiymynyń tizimine engen. Munda jyl saiyn myńdaǵan týrister keledi. Aldaǵy ýaqytta birshama jumystar atqaryp, mejeni arttyratyn bolamyz, – dedi Janseiit Qanseiituly.
Odan soń delegatsiia toby Qoja Ahmet Iassaýi kesenesine at basyn burdy. Ondaǵy kóne jádigerler men qazaq halqynyń tarihi tulǵalarymen tanysty. Arnaiy topty bastap kelgen QHR-nyń Memlekettik týrizm basqarmasy tóraǵasynyń orynbasary Dý Tszian Ońtústik Qazaqstan oblysynda týrizmdi damytý úshin áriptestik tanytatynyn jetkizdi.
– Kez-kelgen aimaqtyń eń áýeli shyraiyn ashatyn adamy, bul turǵyda men Ońtústik Qazaqstan halqynyń qonaqjailyǵyna, jyly shyraily adamdaryna tánti boldym. Bul – týrizmdi damytý úshin asa qajetti faktor. Biz kelisim ornatý úshin elimizdegi árbir aimaqtan týristik assotsiatsiialardy, agenttikterdi alyp keldik. Bolashaqta eki el arasyndaǵy jańa aviabaǵyttardy ashýdy josparlap otyrmyz, – dedi Dý Tszian.
