Onyń aıtýynsha, oblystaǵy avtomobıl joldary men eldi meken kósheleriniń jalpy uzyndyǵy 20 928,9 shaqyrymdy quraıdy. Onyń ishinde respýblıkalyq mańyzy bar jol – 837 shaqyrym, oblystyq mańyzy bar – 4261,2 shaqyrym, aýdandyq mańyzdy – 1642,7 shaqyrym, eldi-meken kósheleri –11 377,1 shaqyrym jáne Shymkent qalasyndaǵy jol uzyndyǵy – 2 810,9 shaqyrymdy quraıdy.
– Byltyr oblystyq mańyzy bar 684,3 shaqyrym jolǵa 6,5 mlrd. teńge, aýdan, qala ákimdikterine 621,1 shaqyrym jol men kóshege 9,8 mlrd. teńge jáne Shymkent qalasyndaǵy 237,9 shaqyrym kóshege 10,9 mlrd. teńge bólingen. Nátıjesinde jospardaǵy 51 nysannyń 22-si paıdalanýǵa berilse, qalǵan 29-y 2018 jylǵa ótpeli, – dedi Nurlan Marhabatuly.
Budan ózge, 2017 jyly oblysta 19 kópir jóndeýden ótti. Bul 2016 jylǵa qaraǵanda 10,5 paıyzǵa artqandyǵyn kórsetedi. Oǵan qosa, 24 kópirde qurylys-jóndeý jumystaryn júrgizýge tıisti qujattama ázirlendi. Qalǵan 77 kópir kezeń-kezeńimen qarjynyń bólinýine qaraı tıisti qujattar ázirlenip, qalpyna keltiriletin bolady.
Elbasynyń bıylǵy halyqqa arnalǵan Joldaýynda kólik-logıstıka ınfraqurylymynyń tıimdiligin arttyrý jóninde tapsyrma berilgen bolatyn. Osyǵan oraı, oblysta júıeli jumystar atqarylyp keledi. Aıta keteıik, 2018 jyly salany damytýǵa búdjetten 38 887,6 mln. teńge qaralyp, bul kórsetkish 2017 jylmen salystyrǵanda 42 paıyzǵa artqan. Sonymen qatar, osy jyly oblysta 1576,1 shaqyrym jol men kóshege qurylys-jóndeý jumystary júrgiziletin bolady.
OQO ákiminiń baspasóz qyzmeti
