Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Ońtústikte kólik joldaryn jóndeý 58,5 paiyzǵa artqan

Dalanews
Ońtústikte kólik joldaryn jóndeý 58,5 paiyzǵa artqan
Ońtústik Qazaqstan oblysynda 2017 jyly avtomobil joldary salasyn damytýǵa jergilikti biýdjetten 27 269,2 mln. teńge qaralyp, oblysta 1 543,3 shaqyrym jol, 1 jaiaý júrginshiler ótkeli men 19 kópir qurylys-jóndeý jumystary júrgizildi. Nátijesinde ótken jyly 2016 jylǵa qaraǵanda jóndelgen jol uzyndyǵy 58,5 paiyzǵa artty. Búgin bul týraly OQO óńirlik kommýnikatsiialar qyzmetinde ótken brifingte oblystyq jolaýshylar kóligi jáne avtomobil joldary basqarmasynyń basshysy Nurlan Baiǵut málim etti.

Onyń aitýynsha, oblystaǵy avtomobil joldary men eldi meken kósheleriniń jalpy uzyndyǵy 20 928,9 shaqyrymdy quraidy.  Onyń ishinde respýblikalyq mańyzy bar jol – 837 shaqyrym, oblystyq mańyzy bar – 4261,2 shaqyrym, aýdandyq mańyzdy – 1642,7 shaqyrym, eldi-meken kósheleri –11 377,1 shaqyrym jáne Shymkent qalasyndaǵy jol uzyndyǵy – 2 810,9 shaqyrymdy quraidy.

– Byltyr oblystyq mańyzy bar 684,3 shaqyrym jolǵa 6,5 mlrd. teńge, aýdan, qala ákimdikterine 621,1 shaqyrym jol men kóshege 9,8 mlrd. teńge jáne Shymkent qalasyndaǵy 237,9 shaqyrym kóshege 10,9 mlrd. teńge bólingen. Nátijesinde jospardaǵy 51 nysannyń 22-si paidalanýǵa berilse, qalǵan 29-y 2018 jylǵa ótpeli, – dedi Nurlan Marhabatuly.

Budan ózge, 2017 jyly oblysta 19 kópir jóndeýden ótti. Bul 2016 jylǵa qaraǵanda 10,5 paiyzǵa artqandyǵyn kórsetedi. Oǵan qosa, 24 kópirde qurylys-jóndeý  jumystaryn júrgizýge tiisti qujattama ázirlendi. Qalǵan 77 kópir kezeń-kezeńimen qarjynyń bólinýine qarai tiisti qujattar ázirlenip, qalpyna keltiriletin bolady.

Elbasynyń biylǵy halyqqa arnalǵan Joldaýynda kólik-logistika infraqurylymynyń tiimdiligin arttyrý jóninde tapsyrma berilgen bolatyn. Osyǵan orai, oblysta júieli jumystar atqarylyp keledi.  Aita keteiik, 2018 jyly salany damytýǵa biýdjetten 38 887,6 mln. teńge qaralyp, bul kórsetkish 2017 jylmen salystyrǵanda 42 paiyzǵa artqan. Sonymen qatar, osy jyly oblysta 1576,1 shaqyrym jol  men kóshege qurylys-jóndeý jumystary júrgiziletin bolady.

 

OQO ákiminiń baspasóz qyzmeti
Shymkent Joldaý Ońtústik Qazaqstan oblysy OQO OQO ákiminiń baspasóz qyzmeti Nurlan Baiǵut joldar Madina Sádýaqasova

Oqi otyryńyz